訴心事除左可以去Cafe 食Salad 同 Egg Benedict 之外，尖沙咀區既輕食選擇還有... 中東素菜你試過未? 一向對素餐都好鍾愛既我 (有得揀唔洗我食肉就最好!) ，之前都有介紹過大坑的Classified。而今次朋友介紹的樓上小店... 絶對給我好大驚喜! 雖然餐廰是位於尖沙咀的商業大廈之中，但位置好就近尖沙咀A2出口，5分鐘就可以直達餐廳~ 簡單佈置比人一種平和舒適既感覺! 這裡還有VIP 房哦~ 千萬別小看樓上小店! 有質素既小店... 平日夜晚都會全場爆滿! 所以我建議想試就最好先訂枱較穩陣! 這裡的客人佔一半都係外國人! Menu呢~ 我睇完都係理解唔到! 唯有找個年輕既餐廳經理來給我們介紹! (基本上... 她就是一本流動的menu! 聽佢講完，樣樣都想試~ ) 不過，我個胃空間有限... 今次就試住呢幾款先! 沙律 - Kale (主要材料係 Curly Kale - 羽衣甘藍) 羽衣甘藍呢個名好特別，食落非常爽口。配埋牛油果同蕃茄。好夾~ Mezze就選了Hummos B Lahme 同 Falafel (兩款都是熱食)! Mezze 就是小食的意思... 單看賣相已經好有中東風味! Hummos B Lahme 用左鷹嘴豆蓉同素肉碎炒香，配埋Pita Bread一齊食。我超鍾意食呢個!!! 呢個炸豆蓉球食落一d 都唔油， 可選擇配Pita Bread 一齊食，不過我就喜歡原粒啪! 好滿足既感覺~ 加埋杯Drink ... Perfect! 這裡還有一個很重要的特點，就係唔會限住時間要交枱! 要知道訴心事呢家嘢真係可以有排講... 最好就係可以慢慢食、慢慢講啦! 來到main course - Macaroona El foron! 好邪惡既黑松露焗通粉呀~ 今晚先食兩啖...其他留返聽日做lunch 再慢慢食!!!! 無肉食又有咩咁可怕呢? 一樣飽肚、一樣好味、一樣... 食到唔停口!!!! (今次大件事啦~~~~) OMG!!!!! 原來仲叫左甜品! 細細粒個兩粒糖係傳統既中東糖果，而中間的兩粒就係Baklawa! 可惜，甜點一向我都只係一般般! 但我都有食曬個Baklawa! 希望大家會喜歡我今日既分享!知道更多我既減肥、扮靚、揾食、購物心得...又或者想話我知邊度有新嘢試新嘢玩，歡迎透過以下方法同我聯絡! Facebook Fan Page: Smartttty Facebook ID: smarttttyho Instagram: Smarttttyblog E-mail: smarttttyblog@gmail.com More & More: [無肉食咁得人驚!?] 大坑轉角Classified 二人獨奏Coffee Moment @ Simplylife Landmark [天生一對大細眼~.~] 單眼皮變雙有妙法! 異素Wild Thyme: 尖沙咀赫德道1-3號利威商業大廈4樓
