男人的浪漫,根據我既認知除左有豆腐火腩飯之外,仲有魚香茄子煲同沙爹肥牛粉絲煲!!! 呢日我又輪到我落廚,一於整個濃縮版既男人的浪漫同屋企人分享! 哈哈~ 有鑑於最近大家都勁出街食飯,所以我既男人的浪漫都作出了稍稍的微調! 豆腐火腩 - 火腩 = 豆腐 魚香茄子煲 - 魚香 (肉碎) = 茄子 沙爹肥牛粉絲煲 - 肥牛 = 粉絲 ...所以超濃縮就成了豆腐茄子粉絲!!! (無計啦~ 時間關係,唯有見雪櫃有乜就煮乜... ) 當然呢個又係一個方便低卡美味! Step 1: 豆腐切件,落少少油用平底鑊煎至金黃色。 呢少少油已經係全碟餸唯一要用的油! Step 2: 茄子切成條狀。茄子就在另一個平底鑊開細火乾煎! 好多時出街食的魚香茄子就是全部用油炸過,我個人就覺得太肥膩了。既然在家自己煮就盡量改放少少油煎或好似咁樣乾烤好了。 Step 3: 搞掂之後就放埋豆腐、粉絲用水沖一沖放上面。放埋蠔油、鼓油、糖、生粉調味... 冚蓋! 5 分鐘搞掂就食得~ 真係咁easy ja! 上碟開飯... 可能今晚真係講得太吸引了 - 話明食男人的浪漫,點知原來係無肉的浪漫!!!! 好在,我都有兩手準備,加多碟外賣切雞同煎魚... 唔係就真係反枱都有機! 減肥又想食得飽,豆腐係一個好唔錯的選擇,好高蛋白質。加上茄子仲可以吸收脂肪~ 正呀!! (邊個話? google!) 我都係真心覺得好食又低卡先同大家分享哦~ 減肥唔難,要keep 先係最難。因為要keep 住食得健康、keep 住有運動... keep 住一個好既生活態度! 所以,要成功就一定要有決心!!!!! 作戰中的你! 加油哦~ 希望大家會喜歡我今日既分享!知道更多我既減肥、扮靚、揾食、購物心得...又或者想話我知邊度有新嘢試新嘢玩,歡迎透過以下方法同我聯絡! Facebook Fan Page: Smartttty Facebook ID: smarttttyho Instagram: Smarttttyblog E-mail: smarttttyblog@gmail.com More & More: [天生一對大細眼~.~] 單眼皮變雙有妙法! [100%回購愛用物分享] 靚靚底妝全靠motives perfect match! [午後白日夢早餐] 等一個人@LGB Cafe