近來看了不少post 都介紹觀塘有間潮人工廈cafe叫 Oldish! 我由起初以為佢係賣衫、賣皮具的到後來知道佢係Cafe... 跟住又諗死佢又係個d 星期一至六營業，星期日休息那種有得睇無得去的Cafe到自己揾個星期日真真正正上過去試過佢既咖啡! 好想讚一句，Oldish 唔單止環境靚，食物質素也很高水準的! 一讚就要自報! 是次用餐202%自費~ 試過星期日下午嚟飲咖啡，呢晚約埋兩個朋友再去食晚餐! 假如大家之後有計劃想去一試呢間餐廳的話，請記得搭電梯! 入口就係factory 99旁邊行入去就已經係大廈的大堂! 話說我兩位朋友唔知係咪想減左先食，一口氣就行左5層樓梯上去! 重點是樓梯的出口是餐廳裡的一個很特別的角落! 打開門就成了全場的焦點! (是真的... 佢地講完我都忍唔住笑左出嚟~) 一如其他文章介紹，環境加佈置都是很潮很型的!而我就很欣賞這裡用餐的空間! 我們三個女仔就被安排坐在長枱的一端，大家可以靠得好近咁邊食邊傾計! 加上樓底高，傾計大聲少少都唔會影響到隔離! 叫嘢食先~ 晚市設最低消費 $150/位。呢日心情一般，要食好d 同自己打打氣! 大家話叫 Parma Ham Pizza，我舉腳讚好! Pizza 的餅底很脆，要趁熱食啦! 之前都有去過一d 標榜Stylish的cafe 食飯，點知食落先發覺質素不似預期! 個人認為，外表同內涵都一樣重要! 後者為重! 跟住呢碟有驚喜啦!!! 泰式海鮮粉絲沙律~ 粉絲實在係米粉! 勝在海鮮夠份量! 每碟食物的display 都好有心思，杯杯碟碟都似襯過咁~ OMG!!!!! 仲叫左我最近發左神經愛上了的黑松露意粉!!!! 一向對奶製品有叮點敏感的我最近唔知咩事同忌廉做左朋友~ 唉! 都唔佑係好事定壞事! 講返個意粉，彈牙又爽口，還是掛汁的!!!! 咖啡精就點了Amerciano，越原始既嘢就越有味道! 朋友選了花茶! 朋友出名優雅，連倒蜜糖個樣都好有味道呢~ 呢度環境的確很不錯，沒有大商場內餐廰那種很趕很趕的感覺。一班好耐無見既朋友可以慢慢享受食物、同時又慢慢分享大家的近況! 原來... 大家最近都過得好唔錯咁喎! 食飽飽順便參觀埋呢度既型人手作... 衣服鞋物樣樣有! Btw... 要留意這裡的電梯仍保留著最傳統的風味要人手拉閘的! Facebook Fan Page: Smartttty Facebook ID: smarttttyho Instagram: Smarttttyblog E-mail: smarttttyblog@gmail.com More & More: 血拼台中-3大跌錢生活百貨 [無肉食咁得人驚!?] 大坑轉角Classified [一杯酒勻全世界] 美酒展抵玩嗎? Oldish: 觀塘巧明街99號巧明工廠大廈5樓AB座
