兩個星期前先啱啱先係中環海濱長廊舉行完美酒佳餚巡禮，上星期又嚟國際美酒展! 前者係旅發局做搞手，後者就係貿發局... 到底兩個event 有咩唔同? 可唔可以相題並論呢? 性質上，美酒展基本上都係只供業內人士參觀。只係近年開放最後一日比公眾人士買飛入場($200/ 入場票) 兼掃平貨。而我今次就非常榮幸收到贈劵入場~ 入場第一件事就係要揾隻靚酒杯先! 假如係買正價門票入場的話就以免費獲得呢隻水晶杯。但因為我係用贈劵入場，所以就要用$20嚟買。(真心講... 好抵啦!) 一入到場，人頭湧湧... 墟冚情況同Wine & Dine 差不多!但有一點就必定係美酒展優勝，就係這裡是All you can DRINK!!!! 唔似 Wine & Dine 咁要買品酒劵，想試多幾款又要諗過度過! 不過，我酒量有限，都係樣樣試少少好啦! 要試就梗係揾d 特色嘢嚟試~ 藍色既汽酒! 感覺同味道都好不錯!!! 又要講，唔知係咪最後一日距離完場時間仲有幾個鐘。大家都好似開party 咁，好熱情叫人試酒... 仲要每次都倒好多! 有幾次我都要先提示 "少少就可以~" ! 除左試酒之外，我又好鍾意睇下d 酒樽上面既label。好似呢款成隻蝴蝶咁! 我唔記得支酒咩味道都會道記得個label! 超靚!!!!! 講到最特別同最得意我就一定會同大家分享呢個系列! 每枝酒個label 都用左類似emoji 既表情圖案嚟表示。好有心思~ (女性消費者就非常buy 啦... 唔知男生又喜唔喜歡呢 ?) 細心睇又唔係得個公仔咁敷淺，枝枝都有寫明用左邊款提子來釀製! 了解左佢既售價之後，好心動呀~~~~~ 平到!!! (可惜，我又買唔到一櫃! 呢度係做大生意既地方，所以講價錢都係講緊一櫃櫃或幾多十箱起!) 還有近年也很流行的智利酒!!! 有驚喜! 話明係一杯酒勻全世界就當然唔止得紅白酒、香檳、汽酒咁standard... 其實我仲試左日本既清酒、韓國米酒... 但係都仲未可以試曬! 只好放棄啤酒和花雕了!!! 綜合去完旅發局既美酒佳餚巡禮同貿發局既國際美酒展，我就覺得如果是喜歡品酒 (而且酒品唔錯，醉左都可以自己返到屋企的朋友...) 就一定一定要去美酒展!!! 因為實在太抵了!All you can DRINK!!! 唔使就住就住! 相反，如果係約埋一班朋友純係想hehe haha 有飲有食就當梗係去Wine & Dine! 始終一大班朋友唔係人人都好飲，可能係好食! 呢度就可以一次過滿足曬大家既願望!! 希望大家會喜歡我今日既分享!知道更多我既減肥、扮靚、揾食、購物心得...又或者想話我知邊度有新嘢試新嘢玩，歡迎透過以下方法同我聯絡! Facebook Fan Page: Smartttty Facebook ID: smarttttyho Instagram: Smarttttyblog E-mail: smarttttyblog@gmail.com More & More: 千杯不醉 3F 狂歡 @2015 Wine and Dine Festival 吃喝玩樂攻略 總有一單係左近!!!] 旅客行為光怪陸離二三事 一日到黑隨心想-《我是Plan #?》
