Boat Trip 之後就是秋遊了!!! 早幾日終於有點秋意，於是約埋班朋友帶我去行南生圍! 說來失禮... 我都係第一次嚟! 曾經有個男生同我講，佢喜歡行山郊遊，但就好怕同埋一班女仔去! 何解? - 試過有人著對婆仔鞋就話去行山... (好彩，這個不是我! ) - 行到邊 影到邊! 無無聊聊乜都影一餐... 拖慢行程! (um... 這個，我也好難控制，風景靚就好自然想影多幾張!) - 影完自拍又再叫人幫手拍.... 影幾多張先夠呀! (哈哈!!!這個呢~ 大人!... 請息怒~) 由於以上種種不愉快經歷，所以今次的偽行秋遊 就無預佢，改為約埋一班唔介意慢慢行，又喜歡邊行邊影相既朋友一齊玩返個下晝~ Let's Go! 準時元朗西鐡站G出口集合，正正對面就有間彩晶軒! 非常易揾! 過左天橋之後轉右一直行，經過一D 村屋就見到往南生圍既指示牌啦~ 今次我地就揀左坐橫水渡過山貝河進入南生圍... 單程收費$6; 有單車就$7。全程... <2分鐘! 不過真係唔可以睇少呢隻橫水渡，全靠大力士叔叔一手撐起! 由於星期日下午等過河的人也多，呢個時候就梗係掛住拍拍拍拍!!!! 大家掛住拍，我就行去揾食先~ 行前幾步就有嘢食! 豆腐花、豆漿... 連炒麵都有! (由於時間關係... 食完先記得無影相! ) 好大片芒草呀~~ 借來一攝的道具! 除了芒草... 這條橋才是重頭戲! 排隊影相的好多，等候時要耐心少少! 怪不得咁多人會來南生圍影結婚相... 日落時份景色的確一絶! 所以我地只好越行越慢~ 正確來說，我想我地只係行左南生圍一小部分... 臨走前嚟到草叢中的破屋! 爬上屋頂... 就有不一樣的視野! 我也來挑戰自己的不可能任務! 看過朋友示範怎樣一跳兩攀就上到屋頂，我也來試一試! 得左! 嘗試攀高一點，才可以看得闊一點，遠一點! 未試過又點知一定唔得呢? 聽人講又點比得上親眼睇! 如果大家都想趁秋天去下郊遊慢拍，不妨可以考慮下呢個地方。去完仲可以係元朗附近揾食! 選擇非常多~ 而且.... 真係大件夾抵食! 郊遊慢拍除左要帶蚊怕水，最緊要都係帶power bank! 係咁影部機真係好快無電!!! 天氣熱仲可以用嚟差住部巴蕉扇! Facebook Fan Page: Smartttty Facebook ID: smarttttyho Instagram: Smarttttyblog E-mail: smarttttyblog@gmail.com More & More: [清走垃圾唔再肚谷谷!] 排毒降脂黑醋伴黑木耳 [100%回購愛用物分享] 靚靚底妝全靠motives perfect match! [午後白日夢早餐] 等一個人@LGB Cafe
