無論係減肥前、減緊肥到而家呢個size... 我都係成日出街食飯! 堅持朋友係要見! 接觸過很不少餐廰的服務員、部長、經理...真心講有時明明間餐廰食物唔錯、價錢又合理，但最終我也沒有再幫襯! 主要原因往往是因為服務出了事! 忙中有錯落錯單、落漏單絶對可以諒解，但偏偏有時服務員那種愛理不理的、敷衍了事的態度真係激到你半死! 自己同朋友出街食街就無所謂，最怕就係同一班上大人出街食飯! 自己唔食我班男上司女boss 都要食呀! 早兩日就約左一位好耐無見既好朋友去觀塘工廈區既魔膳工房食飯! 真心要讚一下呢間餐廰既service!當然我也要先聲明是次用餐201%自費! 這間餐廳是非常就近地鐡站! 觀塘站B1出口行2分鐘就可以直達! 行到餐廰樓下就見到有侍應係門口招待客人。好細心的接待員會先問一問客人的稱呼! 走入餐廰，地方尚算闊落! 有梳化位，而且枱與枱之間的距離很舒服自在! 望上去樣樣都想食，Set Dinner 的食物種類也很多，意粉、意大利飯、扒類... 甚至龍蝦都有!!! 不過說到最吸引的都係+$38就可以跟自助沙律吧! 我們就點了卡邦尼意粉和鮮茄海鮮意粉! 跟餐還有意大利菜湯和餐飽... 要就住食，每樣只可以half half! 主食之前先來碟沙律打打底! 這個salad bar除左有蕃茄仔、粟米、沙律菜之外，仲有幾款特色的沙律。當然，沙律還是不跟醬好了! 掛住食沙律，其實也飽了半個肚。蕃茄海鮮意粉外表好吸引! 意粉好有咬口不太稔! 而且海鮮也很新鮮!... 跟住來的Carbonara，熱爛爛之餘汁醬又足料! 還是掛汁的那種!!! 實在忍不住要讚一讚! 唔知係咪我地討論食物的樣子太認真，最後連經理也吸引左埋嚟!! 哈哈!!! 全程用心地聆聽，加上他對每碟出品的製作過程都非常熟悉! 專業水準拍得住酒店餐廰呢~ 咁當然，我也很坦白講左一些真心的comment 讓他知道! 只係無諗過佢地係咁重視客人的意見，而且即時作出回應! 呢一下! 你贏了! 真心要推介~ 忘記了拍照的還有杯餐飲! 所以計落今餐都好抵... 每人大約$150!! 希望大家會喜歡我今日既分享!知道更多我既減肥、扮靚、揾食、購物心得...又或者想話我知邊度有新嘢試新嘢玩，歡迎透過以下方法同我聯絡! Facebook Fan Page: Smartttty Facebook ID: smarttttyho Instagram: Smarttttyblog E-mail: smarttttyblog@gmail.com More & More: [趕走 Monday Blue!] 朝朝Good Morning 由 Organic Liquid Wash 獨家提供 [除了血拼 還有吃喝] 台中一人下午茶 @Smart 19 [午後白日夢早餐] 等一個人@LGB Cafe
