今個星期真係過得好驚險! 幾乎每日都有生日飯、老友飯聚... 早兩日lunch 仲同同事去左打個60分鐘限時hot pot!!! 每朝上磅都好大掙扎... 雖然已經盡量食返多d生果同菜，又係其他餐度食返少d。但係個肚仲係成日谷住谷住... 唉! 食多左，除左心理壓力之外，事實上腸同胃都一樣有好大壓力! 呢個時候就最啱整返個黑醋伴黑木耳嚟排清毒素身體好! 超市買到的黑木耳，呢度買左$11。其他材料就係蒜蓉、辣椒醬、意大利黑醋、魚露。 真心說，做法比起我上星期去整Liquid Wash 仲要簡單。成個過桯10分鐘就搞掂，最花時間就係煲水! 所以...Step 1就係先煲落半煲水，是用來滾一滾d 黑木耳的。 Step 2: 趁煲緊水就可以去磨定蒜蓉。為左方便今次所有嘢都會係個膠袋入面搞! 反正一陣撈完都要放入雪櫃雪一雪! 所以我會先將個食物包裝袋放係個碗上面，如果喜歡用密實袋也可以。 Step 3: 水滾放入黑木耳滾3分鐘! 隔水! Step 4: 將黑醋、辣椒醬、魚露加埋入個袋度... 如果喜歡加蔴油也可以放少少! Step 5: 放入黑木耳，再將個袋打上結。倒轉搖幾下就自自然然會撈勻! 當然最好就係放入雪櫃雪一陣先食! 餐前小食一流! 一向都知黑木耳係好有益，不過有益就係阿媽講既。而醫師就話... (以下我都係引用網上資源! ) "黑木耳含有豐富既非水溶性纖維能增加糞便量，促進腸道蠕動，擔任腸道清道夫，同時也能降低得到大腸癌的風險。" 而且仲可以有助降膽固醇、控制血糖! 真心講，食完黑木耳，效果非常明顯... 肚仔唔再谷住谷住! 輕鬆曬! 希望大家會喜歡我今日既分享! 知道更多我既減肥、扮靚、揾食、購物心得...又或者想話我知邊度有新嘢試新嘢玩，歡迎透過以下方法同我聯絡! Facebook Fan Page: Smartttty Facebook ID: smarttttyho Instagram: Smarttttyblog E-mail: smarttttyblog@gmail.com More & More: [趕走 Monday Blue!] 朝朝Good Morning 由 Organic Liquid Wash 獨家提供 [
