近呢大半個月office 好似進入左半自治狀態，上至男上司女boss，下至我自己! 個個都輪住放假四圍飛! 雖然我唔知大家想唔想比人知自己去旅行，但係大家都總會買少少手信返來同同事們開心share! 於是我個位又成為左手信集中地! 識食就梗係揀低卡!! 1. 日本線代表 - Potato Farm薯條 近年非常hit的Potato Farm薯條，試過有同事話佢係日本機場每人限買4盒! 食過就知，日本人好嘢! 唔限住，睇嚟都好難可以買到! 細細包，一條接一條，食食下又唔覺唔覺... 就係咁就食左108 kcal! 比起一罐140 kcal 的 classic 可樂，最好就係改飲Coke Light 再食埋呢包嘢! 通殺!!! yeah~ 據說在香港有得賣，但唔平... 又或者要等團購! 2. 馬來西亞代表 - 南洋黑咖啡 曾經有同事試過買3合1咖啡回來送比我做手信，通常3合1都會係偏偏甜，沖一條分分鐘就飲左成2xx kcal! 為左唔好嘥我就唯有分幾次放少少3合1再加返齋咖啡粉來沖。真心講，只係為左唔好嘥嘢先會咁沖.... 講返呢包咖啡味很香濃，一杯只有46kcal! 最正係一大袋可以慢慢飲! 這個香港好似有... 未有時間去尋~ 3. 韓國線代表 - 杏仁夾紫菜 先睇下入面個樣先! 食落比一般紫菜有層次一d，因為真係兩塊紫菜夾住杏仁係中間。而且食完唔會口乾! 一包應該都有1x 塊，我真係無數過。食曬一包... 先係100 kcal ja!!! 100 kcal 即係一條雞肉腸既卡數! 真係勁抵食!!! CP值最高! 呢個我真係未係香港見過有~ 下次如果有朋友買呢d 手信比你，記得讚佢有眼光啦! 知道更多我既減肥、扮靚、揾食、購物心得...又或者想話我知邊度有新嘢試新嘢玩，歡迎透過以下方法同我聯絡! Facebook Fan Page: Smartttty Facebook ID: smarttttyho Instagram: Smarttttyblog E-mail: smarttttyblog@gmail.com More & More: 330日娘娘練成日記 [自家計地獄級低卡早餐預算］ 330日娘娘練成日記 [外賣飯盒無難度］ 330日娘娘練成日記［不能忽視的小改變大改善］
