繼之前去左 Custome Made 試整香水之後，上星期日就嚟左個Part 2 自製 Organic Liquid Wash! 先舉手聲明，今次活動雖然係免費，但絶對不是sponsorship 啊! 只係之前參加過獨一無二香水體驗，今次就可以免費join! 計落又真係好抵! $330 就可以join 兩個Beauty Workshop! 以下就是一支Liquid Wash 的生產過程，留意是全人手製啊! 首先就係要係面前呢堆皂揾出自己既心水。唔同既皂就當然有唔同既功能，主要都係分香噴噴、滑嘟嘟同醒醒神... (我要認我今次真係無抄筆記，請原諒我這個有時也是會偷懶的人!) Anyway, 我就揀左呢款根據店員話每朝沖完涼都會有好醒神的感覺的一種! 每朝返工醒醒神真係好重要! 話說我有時都會失魂到唔記得遞手截巴士、又試過一早去拎錢唔記得拎返張咭! 跟住就係要將咁大舊皂切切切切..... 先係切片~ 再細細切細細切... 老實說切完隻手真係有d攰! 跟住就要準備調配Liquid Wash 既有機Tea Bag... 小心! 滾水呀~ 落左茶之後就要攪攪攪!!!! 之後就係要搖搖搖~ 經過一輪功夫，呢枝醒醒神既Liquid Wash 就準備好可以入樽了! 嚟緊兩個月我都會勤力地用呢枝嘢! 如果之前無參加過香水體驗，只需要$180 就可以製作到呢枝價值$280 的 Organic Liquid Wash! 想知道更多我既減肥、扮靚、飲飲食食、吃喝玩樂心得... 可以add 我FB Fan Page: Smartttty 或者follow 我既Instagram: Smarttttyblog More & More: [逃出辦公室~~!!! ] 交朋結友LKF Pubbing Mingle Party 體驗 [專屬香氣 散發獨特魅力]香濆濆調配體驗 [Zero 同 Perrier 以外...] 隨街搜尋低卡有汽飲品!
