世界之大，光怪陸離之事十常八九! 每次出門都總會遇上一單半單，有時想一想，沒有最怪旦，只有更怪旦!!!!! 1. 門常開女廁 有一次係香港機場去洗手間，行入廁所就見到其中一格個門口前面有一大車行李。(心諗嘩咁大車行李擺係個廁格門口，人地點行呀~) 肥嘟嘟的我唯有打側身攝住咁過，點知行到埋去個門口，突然唔知點解度門有隻手大力閂埋! OMG!!!! 原來那位唔知大姐定大媽一直都是打開度全程望實d 行李嚟去廁所!!! 2. 唔該幫我帶過關！ 講到最爆個單都一定係最近出門遇到! 入到禁區之後正準備排隊過 X-Ray，突然排係後面有位阿姐拍我問（我的普通話算不錯了，可以聽懂每一個字）：「你可以幫我帶這個噴髮的過去？如果一陣過機收了就算，掉了它吧！」我望一望，氣體嚟喎！咪玩啦! 收左就掉點解你唔自己帶! 阿媽無教都睇新聞都知唔好亂幫人帶嘢過關啦！入面係白粉你咪好著數？況且，大大張通告圖文並茂話明唔帶得上飛機，比你過到咪危害其他人！ 3. 全民攝影師 另外有次係泰國飛返香港，後排有位乘客可能唔小心被自己件行李扑親個頭受左傷。機師就決定叫機場救護員上嚟同傷者做檢查，始終都係安全最緊要，相信連佢都唔想阻住大家返屋企既... 點知，當一班機場救護員上到飛機，突然周圍d 乘客當左劉德華上機咁。起曬身行埋出通道係度現場直擊。仲要拎手機出嚟影相! 即時同朋友share 佢地因咩事仲可以上網... !!!!! 成班唔關事既人就係咁塞住曬條路! 最後要動員空姐出廣播大家先至乖乖返埋位! 喜歡旅行到處飛增廣見聞，除左飲飲食食、shopping SPA 之外，有時都可以留意下唔同地方既人係點生活。好多年前我係JR上發覺日本人幾乎是不會在公共交通工具上講電話，即使真係有需要也會好小心地控制自己的聲浪。從個時起，我也開始學習在公共交通工具上避免講電話，甚至電話也改為震機。 今次就分享住咁多先! 想知道更多我既減肥、扮靚、飲飲食食、吃喝玩樂心得... 可以add 我FB Fan Page: Smartttty 或者follow 我既Instagram: Smarttttyblog More & More: 血拼台中-3大跌錢生活百貨 一個人飛硬件配備-隨身實用小品 [黑眼圈獨留在家中！] 軟綿綿的Concealer Ice Cream
