遊台灣，屈臣氏已經成為女生們的指定打躉購物點！只因本身價格已經比香港平一點，再加上不時都會發掘到一些新品牌老早已在台灣登陸上架。今次真係好可怕，因為在逢甲夜市附近就有一間24小時營業的屈臣氏！仲要身邊無人催促計時，第一日就已經在這裡待了兩個鐘！ 不過除了屈臣氏和康是美，今次還跑了三家好不錯的家品店！一次過買齊文具、頭飾、化妝品箱小工具、餐具... 1. 大創百貨 其實大創百貨就即是香港的Aeon 生活百貨，有些貨品我在Aeon 也有見過。但點解香港唔買要走去台灣買呢？咪又係錢作怪囉！ 呢度一件都只係台幣$39，例如化妝用的小樽香港賣$12/件的在那裡 NT$39就可能是2件套裝。 特別想介紹下圖中間的那個膠針筒 (20ml)，用來抽液體過小樽就唔怕打瀉。 另外，我仲買左呢d套餐具放係公司！地球人都係環保d好！ 2. 九乘九 第二間想介紹的就係九乘九。貨品種類同光南大批發差不多， 不過部分貨品如果用會員價就會比光南更平。原來做會員也十分簡單，只要交 NT$10 再填上一個台灣手提電話號碼就可以。 望住呢排筆，就好似返左中學時代... 呢度既Hi-Tec C 真係好平!!! 最終買左一大堆筆 (以下只是一部分)。有D 抵到 HK$ 2就有交易。 不得不介紹呢個頭箍， 香港就算葵涌廣場最平都要$59， 但係呢度只需要NT$49。兌返只係10幾蚊港幣。唔洗諗就買左！ 3. 光南大批發 必行的光南大批發， 每次都一定有驚喜! 讀U個陣就最鍾意嚟呢度買簿同Memo Pad，家陣就專攻扮靚工具！ 除左早兩日介紹過既雙眼皮膠紙外，仲有 NT$39的假睫毛盒連夾。 另外還買了兩盒mask (NT$299/款)， 其中一款比屈臣氏仲要再平少少。 希望大家會喜歡我今天的介紹! 呢次雖然去左4日，不過因為酒店附近都有呢幾間Shop，食完飯又行下，一早出發又行下。每次買少少，買下買下都買左好多嘢返來! 平價的野心勝出了!!! 想知道更多我既減肥、扮靚、飲飲食食、吃喝玩樂心得... 可以add 我FB Fan Page: Smartttty 或者follow 我既Instagram: Smarttttyblog More & More: 千杯不醉 3F 狂歡 @2015 Wine and Dine Festival 吃喝玩樂攻略 [相請不如偶遇... ] 一人獨行snookball refresh party [專屬香氣 散發獨特魅力]香濆濆調配體驗
