趁住重陽節假期請兩日放5日，靜雞雞走左轉台中去陪兩個朋友影pre-wedding，再會合另一個從台北走落嚟既朋友一齊玩！ 一個人飛，一班人玩，境外集合，天天購物...聽落有d熟口熟面！哈哈！ 4日短trip當然係帶得越少嘢越好，化妝品全部入細樽又或者帶sample 去用，帶得出境嘅都一定係計過度過的... 今次就先同大家分享下我的隨身實用小物！ 1&2. 太陽眼鏡&貼身包包 太陽眼鏡除左係扮偽韓妹的道具，也是旅行必備的功能性小品！ 而呢個salad的隨身包是非常實用的！compartment 好見洗，放埋passport同電話都唔會漲卜卜！ 3. 耳環 男生千萬別誤會帶耳環就一定係貪靚！其實耳環最大的功用就係一落機用來換sim咭。雖然好多地方都會現場有人即時幫你換咭，例如台北、泰國曼谷... 但台中機場就沒有這種服務，要自理的!(但他們也有提供萬字夾~)不過往往回程返香港想換返張香港sim先發覺無針用！所以，我一向都係習慣用耳環來換咭! 方便快捷，但就係有d似特工片唔知係邊揾到枝針！ 4. 細細枝蚊怕死 真心推介!!! 係香港出街都好少會用蚊怕水，不過最近台灣登隔熱好似都多case, 阿媽提左好多次一定要帶蚊怕死！呢枝真係好想推介比嚟緊會去泰國既朋友，可以考慮買回來做手信！細細枝放手袋很方便！ 親身見證，我係台中一間鞋鋪試鞋，好在噴左佢，睇住隻蚊調頭飛走！ 5. 多功能燙髮夾 雖然呢件嘢係佔一些位置，但為左想影d相靚d同埋可以每日換下造型，最終都收埋入喼！ 6. 血汗錢袋 去旅行花的每一分都係血汗錢！所以一定要買得痛快～ 呢個用來放外幣的包包已經陪我走過浮華大地同好多個城市... 7. 魚油丸 健康最緊要！魚油丸含有豐富Omega-3, 有助心臟健康! 保健產品通常去旅行都實唔記得帶，不過一醒起夜市既美食！脂肪都係入口即溶好～ 講住咁多先...待續！ 希望大家會喜歡我今日既分享! 想知道更多我既減肥、扮靚、飲飲食食、吃喝玩樂心得... 可以add 我Facebook Fan Page: Smartttty Instagram: Smarttttyblog More & More: ［我的男上司女Boss］#1 - 心情Lip Sticksssss [相請不如偶遇... ] 一人獨行snookball refresh party [以身試毒!!!!] 蜂毒面膜試試看
