續昨天的 [肥兩磅都抵~ 豬多貢獻!!!] 3F喪食The Salted Pig 話說前晚同班crazy eaterssss食完隻乳豬全體，可能真係太high 了，搞到半夜發惡夢嚇醒左！足足玩左成個鐘電話先訓得返！都話左我唔受得刺激啦。 琴日朝起身個肚仲係飽到頂住頂住！ 上唔上磅好呢？掙扎左一陣...死就死吧！ 預期中的結果... 唯有呢日食返light d!!!!!! 趕鬼入、趕鬼出呀～ 早餐：85°C 厚多士跟低卡cream cheese 配齋啡 簡簡單單烘塊多士搽Cream Cheese~ Light 版Cream Cheese 每100 gm 只有254 Kcal!!! 比原味再低1/3!! (本身原味都已經好抵食!!!) 如果你好似我咁嚴謹一定要計住自己食左幾多卡路里，可以先將成盒打開CUT4刀分成16份，咁每一份就係40 Kcal。其實1/16都好夠搽滿成塊包~ 午餐：車仔麵淨餸 （菜、蘿蔔、2粒牛丸） 去到Lunch Time 都未算好肚餓，但又唔可以完全唔食嘢。於是選擇食車仔餸，淨菜、蘿蔔再加2粒牛丸。成日都話牛丸係好抵食既低卡美味，一粒大約係15Kcal*. 下午茶：金奇異果 Lunch 食咁少去到4點真係有D 餓，咁啱同事請食金奇異果! Perfect~ 晚餐：麥奀細蓉 跟芥蘭全走 放工約左做Facial，尖沙咀附近想揾輕食最好就係去麥奀食細蓉! 細細碗加埋碟芥蘭就啱啱好! 除左忍口之外，我琴晚都專登出盡力再係屋企做左2 set plank。 昨天的因、今天的果! 經過昨天輕食一天，今朝起身再上磅! 呵呵~~~~ (即時見效!!! Yeah~) 以上純屬個人分享，雖然算不上什麼減肥餐單，但的確這些食物都是我減肥期間經常食的。 *Kcal 資料來自網上資源。 希望大家會喜歡我今日既分享! 想知道更多我既減肥、扮靚、吃喝玩樂心得，可以follow 我既Facebook Fan Page: Smartttty (click 入下面張相就得~) Instagram: Smarttttyblog More & More: [肥兩磅都抵~ 豬多貢獻!!!] 3F喪食The Salted Pig 330日娘娘練成日記 [1個月減左8磅］ 330日娘娘練成日記 [自家計地獄級低卡早餐預算］
