話就話係3號風球... 但明明係8號風球既風力!! 天文學呢家嘢... 我就只係知8號風球唔洗返工! That's all! 無奈，本來呢日就係唔洗返工!!! 唔想橫風橫雨出去揾食，唯有就地取材.... 有驚喜喎~ 雪櫃居然有半個洋蔥、半個南瓜同少少Parma Ham... 加埋罐罐頭湯，perfect!!! 好快有得食! 材料就係咁簡單! 要數最唔簡單既就係呢罐金寶湯!!! 100ml 先係50 Kcal，成罐都只係150ml。除返開... 一人都只係佔約十個kcal~ 為左想令d 南瓜快d 溶，我就索性用刨來刨南瓜絲。洋蔥照舊碎上!!! 唔記得講... Step 1 其實係要煮落水出意粉先。嘻嘻! 開火~ 先落少少油炒洋蔥。想香d我就再加左黑椒! 炒完洋蔥就已經可以放埋南瓜、金寶湯、水一齊冚蓋煮。水我就係按一罐湯半罐水的比例。 同一時間，水滾加少少鹽、同少少油! 放包意粉落水煮5分鐘。之後熄火焗10分鐘。 煮左幾分鐘打開望下先~ 南瓜仲係見到一絲絲... 可以再煮多一陣。順手放埋Parma Ham 一齊煮。如果完全唔想食肉，可以改放磨菇或雞脾姑切片; 又或者可以改放雞肉、吞拿魚之類... 那邊廂，意粉已經ready... 可以隔起佢。但千萬不要沖水呀! 最後煮好個汁就可以按自己想食既份量先一份一份分好放係碟上。再放落鑊撈汁。 話咁快已經可以開飯餐了!!!! 希望大家會喜歡我今日既分享!!!! 難得一家人坐齊食飯... 我就比自己食最細最細個碟啦!!!! 回家吃飯的人萬歲!!!! More & More: [專屬香氣 散發獨特魅力]香濆濆調配體驗 ［不起眼$12店小家品］化妝枱即時大翻身 ［我的男上司女Boss］#1 - 心情Lip Sticksssss
