以前因為工作關係常常都會在街mobile office... 坐車覆email、what's app跟單、Skype 開會都是等閒之事！有一日約了個vendor 在餐廳交收樣辦。 走入一間日式西餐廳... "先生，你好！請問幾多位？" "3位！" 奇怪了！ 明明只有我地兩個人，點解佢會話三位？ 我唯有立即收返埋我舉起的兩隻手指！ 後來我個vendor 同我講，原來卡位起碼要3個人先可以坐！如果你咁老實話兩個佢地就會叫你坐細枱好迫。 聽落又係喎，我呢d初水茅爐嘅阿妹又學到嘢... 點知唔洗10分鐘一到左食lunch的黃金時間。望住外面一堆堆既人，我突然覺得我地咁樣兩個人坐四人位好似唔係咁好。而且，也有些人路過的人對住我地"張枱"指指點點，做乜呢兩個人可以坐卡位？ 我細細聲問對面個個 "我地咁樣係咪唔係咁好呢？" "咁我地話左三位嘛！我地個friend 嚟緊啦～" 佢既理直氣壯令我個心寒一寒！我個心同我講快d食完放我走啦! pls~~~~ 唔知係咪出於心虛，我連加水都唔敢叫人加！ ... 終於飲埋杯咖啡！我就9秒9話趕住返公司做嘢不如埋單走～ 正想起身走個陣，佢突然叫左個侍應過來。 "唔該，我想問呢度收唔收茶位？" （茶位？ what!!!!!! 我塊面開始變青了... 幸好那個侍應還是很有禮貌的回應我們，我地唔收茶位，只係收加一！) "係咁既...我地本來三位，不過我個friend 頭先打電話嚟話佢中左3T，而家要去福臨門食翅唔嚟啦！" (望住對面呢位阿叔，我塊面已經由青變到紫完全一眼都唔敢望個侍應... ) 食完飯我即刻攞埋d辦衝返公司！ 返到公司即刻同阿姐講返件事，阿姐居然好冷靜！ 只係留低一句「佢又用呢招！所以我每次都只會約佢放工時間係地鐵站交收！」 以上純粹個人隨心分享，如有類同... So sorry!!!! 圖片來源：網上資源 More & More: [專屬香氣 散發獨特魅力]香濆濆調配體驗 一日到黑隨心想-《我是Plan #?》 [甜絲絲的黑咖啡] 海濱道旁人氣小店
