"電視節目有好多種，不過唔係每個都啱小朋友自己收睇..." 還記得畫面裡出力起勢揸橙汁的大媽。 諗返起我細細個都係睇住個電視跟李錦聯同Annie 學整嘢食！ ...無諗過到而家李錦聯依然人氣高企！ 呢日約埋我個好姊妹，買齊材料一齊享受整嘢食嘅樂趣！ 之前都有試過上網跟食譜學整蛋糕，不過往往出來的效果都是覺得太甜。所以這次我就選擇狠狠地將建議的糖份減半，同時加入原粒紅豆嚟做呢個抹茶紅豆卷。有些食譜會教加入菜油及用低筋麵粉來做雪芳蛋糕的效果，今次我就想做個口感特別d既於是用左中筋麵粉！始終口味同喜好係好個人！ 材料及做法基本上我都係參考簡易食譜同韋太再加加減減： 麵粉 90gm、粟粉 25gm、蛋白6隻、蛋黃9隻、糖 50gm (打蛋黃）+ 30gm （打蛋白）+ 3茶匙 （打cream) 、綠茶粉 2湯匙、原粒罐裝紅豆 1罐、wipping cream 200ml (1小盒) 準備好曬材料就可以開工啦！ 1. 因為有兩對手的關係，基本上20分鐘都可以搞掂入爐，所以一定要預熱左個焗爐先。200-220度；個別火力夠的爐開200度也可以！ 2. 我負責打蛋白，將30gm 的糖混入蛋白開機起勢打！ 3. 同一時間sis就將蛋黃加糖用打蛋器打混；再用熱水溶和抹茶粉。如果喜歡綠茶味重一點的可以加多少少，又或者加入香油。 4. 蛋白打到倒轉都唔跌就代表可以收手了！ 5. 跟住我就將d麵粉同粟粉篩埋一齊～ 嚟到呢度都唔係好難。 6. 之後既步驟就係將開好既綠茶糊同蛋黃mix 埋一齊。再將蛋黃糊同蛋白霜mix埋一齊！ 7. 跟住落粉。注意要用fold in 既手法..中學家政堂既事了！ 8. 可以入爐啦！要焗10分鐘，用牙簽試下唔痴就可以出爐！ 9. 呢個時候，又唔洗咁快去洗嘢住，整埋個cream 先！想打wipping cream 打得好d快d建議可以先雪一雪隻碗！打打打～ 打打打～ 跟住呢個節奏打就啱了！ （落埋d紅豆mix 埋佢又可以拎去雪一雪） 10. 話咁快就焗好個蛋糕，放上個cooling rack度攤一陣先！ 11.凍左之後就可以搽cream 再卷起佢就完成啦！ 一邊整嘢食一邊同sis傾計既感覺真係好好。雖然說不上是專業的味道（綠茶味很香！），但一定食得出友誼個份甜同實在！朋友係要見先會知道一d what's app講唔到既心事。 希望大家會喜歡我今日既分享！死啦，我覺得自己開始變左綠茶控啦！ MORE & MORE: 一日到黑隨心想-《我是Plan #?》 [330日娘娘練成日記] 留住最好的記憶點 ［超市試食大發現!］20 kcal 叮叮點心
