以前一向都係keep住短頭髮，貪佢易打理。通常要吹乾個頭都唔洗一分鐘！不過自從有一次去個friend屋企，一入門口佢個兩歲既仔同大家打招呼，一班朋友中有男有女就唯獨係我一個佢叫錯我做哥哥！原來小朋友既世界入面長頭髮先係姐姐；短頭髮就係哥哥！諗落又唔怪得佢既！ 於是，我就足足用左兩年去留呢把長頭髮！的確，長髮引力真係強過短髮好多。 男生話：「如果性格氣質都係一樣，咁我梗係會揀長頭髮個個...」 女生話：「男仔會覺得短頭髮既女仔係同類，當你兄弟！」 為左保養好我呢排得來不易既長頭髮，我都好比心機買嘢搽同做treatment。 除左之前同大家介紹過既欖油護髮之外，最近又購入左呢三件product，自己用左一排覺得好好又同大家分享一下！ 左：$12店強力吸水吹頭手套 長頭髮吹頭真係好花時間！用左呢隻手套就可以一邊「揚」住d頭髮一邊吹！比起就咁用毛巾包住方便快捷得多～ 中：Fixx摩洛哥堅果順髮油 吹完頭我就會用呢枝摩洛哥堅果順髮油搽髮尾，通常用兩下就夠；但如果跟住要用電髮捲整髮尾做個簡單既韓式內彎頭我就會用三下。用左順髮油，把頭髮就可以成日Keep住咁順滑。 右：Fixx豐盈噴霧 最後噴埋呢個豐盈噴霧，再用個燙髮捲捲兩下就可以出門口！成個過程都唔洗10分鐘！不過真心話如果day day 都用髮捲整頭髮真係會好傷，又會令髮尾變乾。如果有需要可以考慮去salon 電左佢～ 希望大家會喜歡我今日既分享！都係個句，誰也有種責任好好打理自己！ 以上產品全部自購 延伸閱讀: [明明在附近又不告訴你... ] 真相留在齋啡後 [平凡人的半天假] 我在郵輪碼頭歎咖啡 ［獨有屋村景色的星幕～］訴心事餐廳 4.0
