臨食飯前睇facebook見到個friend係台灣,一早起身就走左去食牛肉麵! 仲要專登po張相出嚟開心share 搞到我又心思思想出去食返碗! 哈哈~ 又比我揾到隻飯腳一齊出街食牛肉麵! yeah~ 呢間台式料理係香港經已有一段時間,睇一睇餐牌! By elimination...剔走曬所有炸物同飯類! 好快就諗到食咩! "半筋半腩麵, 唔該!" 同事有d suprised! "點解你可以食牛腩?" "半筋半腩就無問題啦~ " 未減肥之前好鍾意食牛腩麵,試過早餐都食啪碗牛腩米先返工! 即使唔叫牛腩但都喜歡加腩汁。(其實腩汁都有好多油係入面!) 減肥開始了自然食少左牛腩麵,話晒一份100 gm既牛腩就有大約330 kcal。不過吊頸都要唞下氣,越禁制自己唔食唔食就越想食,去到一個爆發位明明唔食都變成暴食!!!! (嘥料!) 所以真係想食牛腩個陣我情願加錢食雙拼改為叫牛腩拼牛筋。一份100 gm既牛筋只係有125 kcal! 比起牛腩足足少一半。其實兩樣嘢都係係同一個煲到煮,味道唔會相差太遠。但係卡路里就好大分別! 有得食啦~ 其實如果唔係因為想食牛腩麵,我都會跟我同事食呢個肉躁乾麵! 簡單唔複雜! 當然呢間餐廳仲有好多好嘢食,認真提醒一句佢塊炸雞扒真係好吸引。又香又夠大塊... 不過對我嚟講實在是太heavy 了~ 同同事出街食飯係開心事,忙完一朝可以鬆一鬆! 只要花d 心思諗一諗,減肥都一樣可以出街食ge~ 希望你會喜歡我今日既分享啦~ 以上內容100%個人分享,卡路里資料均參考網上資源。 延伸閱讀: [用後感]慳妹都要靚! 搽得又食得! 330日娘娘練成日記 [外賣飯盒無難度] 330日娘娘練成日記 [打完波去食大排檔!]