減肥期間通常夜晚都唔食好多，加上呢日阿媽又話太熱唔想食飯! 實在太好了~ 一於整個鮮茄濃湯通粉，清清地又可以食多d 蔬菜! 材料 (四人分量): 1. 蕃茄 6個 2. 洋䓤 1個 3. 甘筍 1 條 4. 通粉 **隨心 給大家參考一下- 1碗通心粉(150克) 大約有167 kcal。大家可以按返自己需要決定食幾多。 5. 豬肉碎 少量 (完全唔落肉其實都得，不過落左煲湯個味就會再濃d同實在一d。除左豬肉碎，放雞肉也可以。) 做法: 1. 其實煮既過程是非常簡單的，最辛苦可算是洗材料同將d 材料切粒粒。(大約10分鐘應該搞得掂~ ) 2. 同一時間，通粉出水。出完水就再開火煲定煮湯的熱水。 3. 要想個蕃茄湯夠香濃，試過好多方法 (甚至落埋茄膏)。原來秘訣只係需要先炒一炒d 蕃茄。所以今次真係要放少少油起鑊。 4. 由於時間關係同埋想再香d，就連洋䓤、蕃茄、甘筍一齊炒，可以 放少少鹽落去一齊炒。 5. 炒得咁上下就放曬d 材料落預先煲好的熱水。放埋肉碎大約滾20分鐘就會有搞掂。放埋通粉就食得! 希望大家會喜歡我今日分享既低卡美味~ 延伸閱讀: [$250有找! 新體驗~] 減肥 KEEP FIT 都啱食SUPER大中華火鍋 330日娘娘練成日記［邪惡食物大搜查上］ 330日娘娘練成日記［邪惡食物大搜查下］
