減肥，除左要識食! 仲要識"趙"! 曾經有朋友介紹我食一款燕麥早餐，話佢自己食左一排覺得又夠健康又好頂肚！跟住，我另一個朋友就話:"唔係喎! 我都食過呢款燕麥，但係食完好快就會肚餓!" 咁搞鬼? 兩個都係食同一樣嘢，一個話好頂肚，一個轉頭嗌肚餓! 假設兩個都無講大話，咁問題出係邊處呢? 當呢兩個人不斷地討論唔係喎~ 唔係喎~ 我突然諗起... "你食個陣有無趙過先吞?" "..." 完 真係唔好睇少每食一啖趙多幾下! 原來有趙同無趙分別真係好大呀! 未減肥之前我份工超忙。基本上係連食飯都係呢頭放飯碗個頭又開工，所以成日都係極速地將食物吞曬落肚就算。加上個時又唔識揀啱食物先食，咩都就咁放入口。咁樣一來又會好易胃痛、二來又真係好快又會覺肚餓! "後來認真開始減，少食多餐係其中一個唔會咁易肚餓既好方法。同時，認真地慢慢食，每啖食物都趙多幾啖先吞落肚。感覺飽肚既感覺係來得實在一d，特別係食早餐! 以食通粉為例，通常外賣隻匙更係再細隻d，一次只可以放到幾粒，咁就變相食得再慢一d。無幾耐就覺得食大半碗已經覺得飽，咁就唔會再迫自己食。變相胃口就減細左。" 另外，好多人都會擔心如果lunch 只食沙律會唔會唔夠飽。咁啱呢日我就係同朋友去左CPK 食Lunch，照舊都係食烤雞沙律。跟餐有一個荳蓉湯 (呢個湯因為好杰身所以都比較飽肚，如果係跟意粉我就唔會飲曬個湯。但係今日食沙律就可以飲多少少!) 烤雞沙律 荳蓉湯 睇下碟沙律個樣真係好新鮮好想食曬佢! (同樣，醬我一定係分上!) 比D 心機慢慢趙多幾啖先食，其實食都尾真係好飽! 希望我今日分享既小改變大改善可以鼓勵到你啦! 延伸閱讀: 330日娘娘練成日記［不能忽視的小改變大改善］
