早兩有位朋友同我分享話佢最近減緊肥，平日都cut曬唔敢約人出街食飯。我聽到真心有d難過，因為曾幾何時我都係咁，為左減肥好似斷六親咁... 於是我又介紹佢幾款我平日的出街食飯無難度比佢，有人聽完眼發光！乜真係得？ 唔理你！今次介紹另一間非常街坊的無難度同你打打氣！吐司工房～ 佢杯齋啡... 夠香又夠黑！ 我鍾意... 哈哈！ 以下三款食法，視乎你的激進程度！ 1.幾乎走火入魔級！ 花生醬多士餐：（走醬變齋多，熟旦走黃，熱齋啡） 其實呢個食法係好百搭，有時茶餐廳都可以咁叫。重點係自己知道出街食飯係有嘢可揀的！ 2. 正正常常！ 花生醬多士餐或肉鬆多士餐：（少醬，熟旦走黃，熱齋啡） 人始終都需要食物先唔會死！話曬一塊厚多士都係得150kcal，加埋其他嘢都唔會過份得去邊。 3. 皇恩浩蕩有肉食！ 咖喱雞餐！（跟多士、齋啡） 雖然好似講大左少少咁，哈哈！不過講真咖喱呢類濃味嘅食物一般來講要減肥都真係要戒絕！但係我個人又好鬼鍾意食辣，所以我都會比自己一個月食1-2次。所以有得食嗰日真係皇恩浩蕩！ 講到食呢個餐都有dd 學問！ 點樣選擇係跟飯？薄餅？定係多士？ 除咗我個人口味特別鍾意食齋多之外其實呢三樣食物裏邊樣嘅卡路里係相對地最低? 白飯一碗有220個卡路里；薄餅一塊大約有250至350個卡路里；而多士就得150個卡路里（最保守嘅估計）。相對地又要睇返食咗落去飽唔飽？如果係男仔都可以配飯，因為大家需要既熱量唔同！至於薄餅... 你好想食咪食囉! 不過即使係食飯都唔好一開始就張個咖喱雞就咁淋落去啲飯，再撈埋黎食。因為啲汁先係邪惡既根源！小改變~ 可以先將啲飯放上隻更。然後再用這叉點少少汁上去食。就就有味之餘又唔會變左汁撈飯！ 都係一樣食雞最緊要走皮！薯仔可以食！不過都係自己決定食幾多～ 我有時會為咗想食薯仔，將個多士食一半就算！ 希望我既分享可以鼓勵到你! 我既個人 Facebook fan page "Smartttty" 已經開通左啦!
