曾幾何時聽人話著黑色衫會顯瘦一D就永遠只會買黑色衫! 去到一個地步，買到一櫃都係黑色衫，有時唔開燈根本揾唔到自己想要個件衫。不過，重點係 - 黑色只係顯瘦，唔係話你著左就會變瘦! (唔好傻啦~) 我諗最難買衫都應該係20歲左右個段時候，班FRIEND 成日聊天地堂去旺中、花園街、葵涌廣場shopping，但係個度D 衫我根本係唔會有我SIZE，所以次次跟去都係得個行字。但最死個陣我個人仲未有諗過因為咁要去減肥~ 到出左嚟做嘢仲死! 自己賺到錢就識去D 有XL 碼既地方買衫，而且近年識得去買H&M、ZARA、馬莎、MANGO呢D 外國牌子，基本上都一定係會買到衫。而且有時去OUTLET，L 同XL 都係剩得最多，又平! 完全完全無諗過 "再肥就會買唔到衫著" 呢個問題... 就係咁就繼續放縱下去! 甚至去到後來發展到上網買衫，我就更加好似發現新大陸咁! 最誇張一個月都可以買2-3轉! 我既NO. 1選擇ASOS (圖片來源: www.asos.com) 基本上我只係會買佢ON SALE 的款，因為價錢堅吸引，兌返HK$ 都係200 +/- 已經可以買到一條連身裙! 而佢除左自己品牌ASOS 之後，仲有一系列既代理品牌。如果喜歡著連身裙返工的SIS，不妨留意下一個叫 CLUB L 的品牌，款式同顏色都適合返工著。而且有時去到SALE 都幾齊SIZE。如果唔清楚自己應該買咩SIZE，可以參考返自己平日係H&M 或者馬莎的SIZE都好穏陣。不過也要留意返，部分牌子 (如: MANGO) 係講明不能送來香港的~ 而且如果只係選一般平郵就要等大約3星期。期待試新嘢就要等耐少少~ 未減肥前，著SIZE M/L (其實大約係UK 12/14)... CLUB L 的裙，爆爆地的。圖中已經是減左一個月後著返同一條裙。 半年後... SIZE 10 都有鬆。中間已經忍痛送走左好多仲好新但係一定唔可以留低的SIZE 12 比朋友... （下要張圖入面個件係我人生第一件花園街one size 牛仔褸，好值得記念的！） 直到而家我都仲係好鍾意訂ASOS... 如果大家有睇我個FAN PAGE (SMARTTTTY) 早兩日POST 左一張唔小心夾左麒麟臂個張相，我就係著住CLUB L既裙。 (唔想影相有麒麟臂，不妨上去睇下我既小TIPS~ 真係好小!) 試過一次好搞笑，我send what's app 問個好耐無見既Friend，我知佢一定啱著又啱用我呢堆衫。 "Hi! 呢d衫我唔啱著，你有無興趣收留左佢地？" "仲好新喎～ 不如你試下拎去比人「放」，唔好嘥！" "放？O! Sorry... 其實係咁...我瘦左好多，呢d都著唔到了，比張相你睇下！" ... "咁我要曬佢啦！多謝你！" 呢單嘢我足足開心左幾日！希望我既分享可以鼓勵到你! 我既個人 Facebook fan page "Smartttty" 已經開通左啦～ 想知道更多我既減肥血淚史、化妝、扮靚心得，快 d 嚟check out my page 啦!希望我既分享可以鼓勵到你!
