成日都要出街食飯訴心事，無可能下下都去$250有找… 一定食窮我! 好在我仲有好幾間相對抵食既心水平民小店! 所以話… 出街食飯真係無難度! 今次介紹呢間位於油麻地嘅 café我經想都會去，因為佢個location 實在係方便到無得輸 - 只係離港鐵站5分鐘 既walking distance (全平路)。不過可能因為佢個位置又係比較詭秘，所以唔係咁容易被人發掘到。但係我想講唔係咁容易被人發掘唔代表唔洗book 枱，因為始終小店座位有限，想靜靜地坐corner 位都最好book 定先。 我個人係非常欣賞呢間餐廳既menu，因為佢提供既食物款式真係好鬼多。不論我既朋友係食肉獸阿葛、一定要有米到肚既阿珍、定係我呢個一日到黑都要低卡低卡低卡既麻煩友，都總一款啱心水。(不過有時太多選擇都係煩…一陣又A 、轉頭又B，SORRY… 我係話緊自己!) 餐廳入面有一張落地玻璃對街角位圓枱係我好鍾意，如果只係約1-2個朋友想靜靜地傾計，呢個位私穏度好高。不過如果有 4、5個人通常餐廳都會安排另一個角比我地，大聲少少都唔會嘈到人。 食過好多次了，所以只介紹幾款通常都會點而從無令人失望既心水比大家參考。價錢方面都好flexible ，可跟餐可散叫。貴有貴食、平有平食! All day Breakfast! - 我很愛但只會望的牛角包!!! 鵝肝天使麵 食肉獸1號首選 - 豬手 食肉獸2號首選 - 牛扒 放縱日至愛 - 龍蝦天使麵 一日到黑至愛 - 沙律 (醬另上)，雞肉記得走皮食! 朋友真係要見ga! 雖然我地己經太習慣用whats app、wechat 嚟同朋友溝通! 不過定時定候約出嚟見下，你先會知道一d message 打唔出的近況。始終唔係人人都鍾意同部電話做朋友! 以上內容純個分享！ 食物100%係自費... 如果你想同我交流更多減肥心得，歡迎你like我個個人fan page: Smartttty Plato: 油麻地彌敦道448-452A號眾坊街文豪閣地下D鋪 (中華書局旁)
