人生中有歡喜，難免亦常有淚...唔開心就梗係要揾人訴心事啦！ 不過經常都會遇到一個難題，想揾個地方可以坐得舒舒服服傾計食飯，有時都真係唔係比多幾十蚊就可以解決到。嚟緊會同大家介紹幾間好有啱訴心事既餐廳，環境舒適又夠私隱度，就算講到喊都唔怕比人見到個花面貓樣啦！ 今日就同大家介紹位於銅鑼灣利舞台對面呢間餐廳，佢嘅位置真係好詭秘。係要沿住SaSa Supreme 條電梯上，人哋唔知仲以為我又去shopping添！ 一上到佢就見到個好靚嘅門口，因為唔係好多人知道呢間餐廳，所以呢晚7點幾無book枱就咁行入去都中可以坐到兩個人嘅梳化位。佢嘅梳化位係於餐廳最入最入嘅...堅係好啱情侶或姊妹談情訴心事！食完仲可以過SaSa Supreme 睇嘢！ 叫嘢食先～ 嘩！sis...你做咩事！一坐低就話今日太唔開心要食薯條... Ok! 今晚就陪你食！無計啦，Quota 就係留返嚟呢個時候用的！ 不過一日到黑都要減肥既我都係想食得低一d。揀左三文魚扒同虎蝦意粉，兩樣都係海鮮，相比起食肉都已係低卡一點！加上蕃茄汁又會比忌廉汁好d！最緊要幫sis叫埋杯咖啡～ 賣相真係好靚哦～ ，欣賞佢用菠菜做配菜，不過薯蓉多左少少。三文魚扒仲係熱辣辣，塊皮煎得好脆但裡面仲係好juicy! 收得你$178，的確無令人失望！ 蕃茄虎蝦意粉都好吸引，食蝦先！ 嚟到最邪惡嘅薯條出場！撞鬼佢仲要配埋個好好味嘅黑松露醬... 真係好難抵擋！不過都係個句：有食有做無有怕！薯條熱氣都唔夠sis 火氣，又比人激親！一講開就你一句我一句，好彩呢度空間感十足！絕對唔會影響到別人～ 唔知你有無經驗有時想同人食飯傾計，最終變成聽隔離個人講古仔！ 兩個真係唔會食得曬，千萬唔好勉強！可以pack留返第日做lunch! 以上內容純個分享！ 食物100%係自費... 如果你想同我交流更多減肥心得，歡迎你like我個個人fan page: smartttty caffè HABITŪ the table : 銅鑼灣軒尼詩道500號希慎廣場8樓L804號舖
