什麼? 減肥也有記念日!? 由2011年4月8日開始減肥開始~ 每天上磅、一星期做2次運動、每晚踢腿、朝朝食蘋果… 養成了一大堆我從來都沒有想過也沒有興趣想建立的習慣! 人是瘦了下來，但係仲要堅持幾耐? 原來自己一直都無一個確實的project end day! 靜落嚟又會諗，瘦左做過姊妹，咁之後點呀? 原來我又係無諗過… 的確有過好多刻想過不如瘦左2x- 3x磅就咁就收工算啦! 減左3個幾月個樣同原先開始有d 唔同左~ 好彩我有一班好好既朋友成日都鼓勵我，仲身體力行陪我打波、做運動… 仲係我減肥4個月個晚一齊陪我搞左個露天party一齊飲紅酒食薯條、串燒和牛、雞翼… 真係好耐無食過薯條啦，呢一啖真係覺得原來熱辣辣既薯條係咁好食啊!!! 噢~ 點解會咁既? 我諗我己經變左啦… 再好味既薯條我都唔會不停手咁食! 真係做到做過知咩味就己經好滿足! 一向都好鐘意飲紅酒，但係曾經有朋友提醒過原來紅酒都好高熱量，咁我就飲少d 同埋留返好開心先飲。平日去飲嘢如果又要食埋飯就改飲mojito~ 原來久不久比自己放鬆一下真係好緊要!!! 減肥唔可以心急，最緊要係開心! 進入平台期遲遲都無再落磅都唔洗咁大壓力，放鬆d la~ 話時話，個晚盡慶過後的確第二日就彈返2磅，但係我一早已有曬心理準備。清淡返幾日、踢多幾下腿就己經無曬事… 咁當然唔可以因為咁就個個星期都去Happy Friday 啦~ 從此，每年8月8日就成為左我既減肥記念日。個日，我會比自己食好d… 又會攞返d 舊相出嚟睇下鼓勵下自己! 今年再睇返上面張舊相… 是的真! 只要唔放棄，就會有成功既一日! 我既個人Facebook fan page "Smartttty" 已經開通左啦～ 想知道更多我既減肥血淚史、化妝、扮靚心得，快d 嚟check out my page 啦!
