之前講過話我第一個月好輕易咁就減左8磅。其實呢速度都只不過係開始，進入第二個月，身體漸漸適應左清淡既飲食同埋Keep 住有做運動，第二個月就減左12磅。我諗呢個時候既我先至係正式進入 "減" 既狀態! 阿媽一直都好擔心，咁樣減法係咪真係WORK ga! 朝朝淨係食蘋果、烚蛋白、齋多士加片低卡芝士。夜晚就淨係食雞胸炒金茹，又唔食飯! 相反，阿爸又好支持我，知道我可以食得d 咩就買到成個雪櫃都係! 金菇涼伴雞胸~ 清炒西芹黃金魚角 其實自從減肥開始以來，身體除左瘦之外，同時都出現左其他小變化，我覺得也值得同大家分享一下: (先聲明: 以下分享的內容純粹個人經驗之談，不一定每個人減肥都必定會有這種情況。) 1. 皮膚變乾 其實都好易理解，因為人地話開始減肥時好多時候都係去左d 水。而且食物由以前好多油變成少油，身體油份都少左。所以皮膚係好易變乾，特別係面同腳最明顯。所以要特別注意搽返多d 保濕既lotion，甚至我去做facial次次都比人話我塊面乾我就重點做補顯treatment。當然，最緊要都仲係飲多d 水啦! 試過有次可能隻腳太乾，就係咁抓，收尾去睇醫生就話係皮膚敏感。食左藥搽埋藥膏都唔係好見效，最終求其拿支凡士林嚟搽就好返。所以我估個時真係流失左太多水份啦。 2. 手指頭變得冰冷 以前我隻掌心係熱的，但係開始減肥無耐就變得指尖冰冷。最誇張個陣係做左成個鐘運動，個身就出曬汗但係指頭都仲係凍冰冰! 唯有我就keep 住飲熱水。其實自從要減肥，我已經戒曬所有凍飲了! 3. 油膩食物要小心 由於有一段時間都食得太清，所以如果突然要食一d 好油膩既野，例如去飲會食既乳豬、炸蟹鉗... 個胃就會好敏感作曬反。好記得係我減肥第二個月個時，有晚同班同事去食上海野，其有叫左份片皮鴨，我預左比自己可以食一塊。點知最後因為太耐無食又好想食就食多左兩塊皮，點知返到屋企就頂胃頂到嘔返曬出嚟! (其實食完再嘔係非常浪費食物兼辛苦自己~ ) 所以，我之後一係預左要食油膩嘢就早一日開始比自己食多少少嘢同埋唔好戒到咁清。等個胃適應下先。 希望我既分享可以鼓勵到你 - 記住1>0，如果你想取得我以上個兩碟健康美味既食譜，歡迎你上我 fb: Smarty Ho Yin 了解!
