上個星期忙到癲左，日日都係食外賣搞掂。成team 人得我一個一日到黑都話要減肥，所以叫飯就一定係我就大家。同事諗好叫邊間我就揀自己食得而又唔會累街坊 (即係10盒飯等你1盒飯先可以送嚟)既食物! 不過無有怕，話晒我都已經有晒自己一套餐單! 星期一: 燒味飯 (雞胸飯走皮走汁) 當大部分人都叫叉雞、燒肉雞、甚至肥叉飯既時候，我就會叫切雞飯 (要雞胸、但記住要走汁同少飯).... 哈哈! 不過薑蓉我就真係走唔到啦! 食少少。但係留意有油浸過個d 飯我就一定唔會食啦! 星期二: 茶餐廰 (時菜肉片飯) 趕工趕到命都無，唯有叫快餐！好彩附近間茶餐廳每日都有一款正常少少嘅時菜肉片、西芹雞柳、涼瓜牛肉之類的例飯。人地就食男人的浪漫，我有我例飯！ 其次就係滑蛋肉片飯或者滑蛋蝦仁飯！呢兩款都係低卡之選，但仍然是要少飯。所以話呢～茶餐廳都有好多good choice ga!! 星期三: 粉麵店 (雲吞米 + 菜走油） 終於爭取到呢日可以食粉麵！暫時放下自己至愛既魚旦米食雲吞米！加埋碟菜都好夠飽啦！ 唔洗日日都節制成咁食220kcal既魚旦米，一日半日比自己食好少少！4xx kcal 我都可以afford 到嘅！ 星期四: 車仔麵 (魚旦牛丸生菜蘿蔔) 未認真減肥之前，我係好鍾意食車仔麵！如果比我叫4餸車仔麵我嘅選擇係：河粉、牛腩、豆卜、菜、豬腸！菜既priority 真係好低！知道自己要減肥，就要改一改，照舊係4餸車仔麵：魚旦、牛丸、生菜、蘿蔔！自從我知道貢丸1粒有成45kcal而牛丸只得15kcal, 我就打死都唔會食貢丸！一粒等於三粒喎！不過好多時我都係叫兩菜兩份牛丸米！但咁講，都係好味嘅！ 星期五: 麥記 （豬柳蛋漢堡） 星期五都仲要食外賣？！無計！唔快快趣趣食都唔知幾點先收到工去Happy Friday! 同事話要食豪d 叫麥記！無～ 問～題！ 好在呢日早餐都控制得唔錯，可以食返個440kcal 既豬柳蛋漢堡！不過就唔跟餐啦，跟齋啡就夠！ 雖然勁多嘢做仲要就住食，但係我都會獎勵下自己，放工都會獎自己飲返支Perrier! 又開心返曬！yeah~ 成功需苦幹！希望我既分享可以鼓勵到你！如果你想同我交流更多減肥心得，歡迎你add 我 fb: Smarty Ho Yin!
