以前減肥好著重餐單，聽人講跟足食30日必瘦就咩都唔理咁死跟。諗返起個時自己都撞過唔少板，例如人地話食麥皮可以瘦就一日三餐都食麥皮，仲要自己本身唔食得奶就迫住要自創火腿麥皮、貢丸麥皮之類... 不過不出一個星期隻腳就乾到出曬網紋，後來仲皮膚敏感! 雖然唔可以100%肯定係同麥皮有關，但係偏埋一邊食都係唔好！好似完全不吃肉只食菜也是好危險的！ 認真減就要認真咁檢視下自己既生活習慣有咩問題... 又比我發現左有d嘢可以做到喎！ 一. 多走一步 以前食飽真係就咁坐係度坐成晚，完全無散步既concept. 所以第一個小改變就係要郁！MOVE!!!!! 於是每日lunch食完飯就一定要落樓下散個步，10分鐘都好！夜晚放工又會行去一個遠少少既巴士站先上車，咁樣仲好，行一個站仲有位坐。夜晚又會落街散下步去超市睇下嘢！總之就係要無嘢做揾嘢做啦～ 二. 換隻細碗 我覺得換隻細d既飯碗係一個好有效減少食量既方法，因為食呢家嘢真係除左食曬，唔係一日見到仲有都一定好難停手唔食！有人話食飯只要有節制，7成飽咪得囉！但係點先知7成呢？ 點feel 呀？簡單d換隻你原來食量7成既碗先！同樣都係食一碗但係實際吸收已經少左好多啦！呢樣嘢連我平日買外賣間餐廳既阿姐都專登配合我，我每次買外賣都叫佢用細碗；人地用飯盒裝我就叫佢用外賣碗。起初佢會覺得有少少煩，但無耐佢見我真係瘦左佢都好樂意幫我！再唔係簡單d咩都叫少飯、扣底都得！ 三. 睡前運動 每晚訓之前我都一定會踢腿30下，無技巧的就是手放前，水平咁左右腳各踢30下！過左一排就見條腿係瘦左，雖然都仲係粗但已經比我肥個時既比例正常左好多！如果唔踢腿我就會拉筋～ 話曬日日返工都著高踭鞋，拉拉筋個人都舒服d! 小小小改變，其實都唔會花上好多錢或者時間，但我keep住做好快就見到成效。而且習慣成自然，漸漸都更樂意咁去做！記住減肥要成功，除左要苦幹之外，開心都緊要！輕鬆減先係長遠之策！ 以上分享純個人經歷分享，成效或者因人而異！始終呢個世界無兩個一模一樣既我！但我是真心想鼓勵每個屢敗屢試的朋友～ 如果你想同我交流更多減肥心得，歡迎你add 我 fb: Smarty Ho Yin!
