繼續係無難度系列... 飲茶，一個星期起碼會去一次！同事食lunch、假日family gathering...起初都好擔心自己減緊肥喎，去到除左可以食菜之外仲食得d乜！後來上網細心睇下各類點心嘅卡路里大約係幾多，繼續採用避重就輕的策略，又得喎！ 結論係叫曬頂點、特點、大點既蒸物都無乜得錯！即係蝦餃、燒賣、雞扎、蝦腸... 至於中點都有蘿蔔糕做代表！我從前最愛的潮洲粉果（小點）最終因卡數太高被戒掉了！ 以下係我去飲茶的must 剔點心：（純個人分享，根據我的個人喜好及低卡為參考，卡路里資料參考網上資料。不過雖然呢個世界無兩粒完全一樣既蝦餃，不過起碼自己心裡有個數知道原來一粒山竹牛肉=2.x 粒燒賣，那我就知燒賣比牛肉抵食! That's my theory! ） Number 1: 燒賣 - 42 kcal/ 粒 其實燒賣同蝦餃都算係抵食既點心，但通常燒賣係價格上也抵食，所以佢係must 剔第一位！ Number 2: 雞扎 - 45 kcal/ 件 初時見到佢成碟都係油我都幾懷疑係咪真係咁抵食，不過我食個陣舊雞我係一定會走皮！如果食埋皮我都怕會脂肪會高左d. Number 3: 煎蘿蔔糕 - 80 kcal/ 件 唉～ 我以前係勁鍾意食芋頭糕的，但後來知道佢比蘿蔔糕卡路多大約20% 就忍下口留返過年先敢食一兩件。 Number 4: 蝦腸 - 60 kcal/ 條 是牛肉腸的代替品；如果不喜歡食蝦腸可考慮叉燒腸，多少少79kcal/ 條。 Number 5: 蝦餃 - 37 kcal/ 粒 如果大班人飲茶就會食一粒蝦餃一粒燒賣！ 假設以上我的至愛每樣食一件，大約都唔過300kcal, 仲有quota 食d灼菜、半個叉燒包、半碗粥或者揀一樣自己好想食嘅炸物食半件（半件好啦！真係叫比自己過下口癮，其實可以忍口我都想戒埋佢！） 不過講真...食齊頭5樣都飽左7成啦！減肥除左第一兩個星期難捱一點之後，其實之後胃口都漸漸會減細，再唔夠飽就唯有飲多d水頂一頂肚都要啦！btw, 如果你有其他心水點心而又對佢嘅卡數未明，最好都係係Google search一下先好放入口啦！ 成功需苦幹！希望我既分享可以鼓勵到你！如果你想同我交流更多減肥心得，歡迎你add 我 fb: Smarty Ho Yin!
