我媽以前成日話「鍾意食嘢嘅人好難減肥、鍾意整嘢食嘅人更難減肥！」哈哈，好在呢個世界仲有我呢個唔認命嘅死妹丁！不過坦白講又想食好嘢又要減肥真係要費好多心思～ 減肥難 Keep仲難！ 好似呢日我去左A1 Bakery 食lunch，打開menu 食咩好呢？樣樣都好食好想食，但又得自己一個無人陪我分享天婦羅... 最後決定不如來個Green Monday！ 雜菜蕃茄意粉～ 嘩！個餐都幾大份喎～ 有沙律之餘仲有好大舊芝士！食曬真係不得了哦！其實我真係好欣賞佢個沙律，菜好新鮮好爽口！但由於湯較濃味，1/3 就好了！ 咁大舊芝士我只敢食咁細粒，試過就夠～ 意粉口感恰到好處，蕃茄汁味道剛剛好！最點係全蔬菜～ 哈哈...無咩特別事就唔洗食咁多肉嘅，久不久來個 Green Monday也不錯～ 因為仲有三片包呀... 不過個餐都真係太大了！三片包只吃了一塊，其他的唯有打包留返tea time吧！ 以下是我食呢個餐嘅次序（純個人感受+僻好）：沙律—兩啖湯—餐包—兩啖湯—意粉... 最後梗係要飲埋我至愛嘅齋啡啦！ 今餐埋單$72，在將軍澳區嚟講雖然算不上是一個平lunch，但環境舒服加上食物質素我就覺得「一定有下次」！ 我又愛吃又愛煮，如果想了解更多我既減肥血淚史、行街買衫、化妝扮靚、低卡食譜... 歡迎你add我fb: Smarty Ho Yin
