作戰開始初期，有一位很熟的男性朋友笑住同我講：「我都好想睇下你瘦左個樣... 真係幻想唔到你瘦左個樣會變成點！」他絕對不是想串我或打擊我，而係我地都真係好好奇...成個人down size 左... 即係點呀? 肥左咁多年，有時也不得不說一句慣曬啦～ 習慣了買加大碼衫、習慣了將自己打扮成黑衣人（希望咁樣可以顯瘦一點！）、習慣了坐巴士見到有位也要思前想後才坐落去（目測清楚那個空間我坐落去是不會突出半個pat出來先好！）、習慣了每年拜年也會被人談論我是否「又」肥左 (所以我以前真係試過在過年前減肥，就係為左避過一眾親戚的口舌！）...還有很多很多！ 不過，正正就是這些習慣就令我更好奇想探究一下自己會唔會真係有瘦既一日！「好奇」已經成為我堅持減下去的其中一個動力！除左外表，為左健康我都覺得自己應該減下去～ 我返工成日都要行一條好長的扶手電梯，大約兩層樓高，因為朝早通常都未開電制，所以全程又直又斜仲要一口氣行上去；未減肥之前，每次行到一半都要停低唞一唞，唔夠氣！後來，減左20磅左右開始，已經可以一口氣行上去。咁當然我減呢廿磅期間都有keep住做運動：） 我上面提到個個friend 因為係波友，基本上個個星期都會見一次都仲適應到我慢慢由XL 變L， 再由L變M...但係我班親戚一年先見一次，對於我由XL變左M就真係...除左嚇左一跳之外，仲有一地眼鏡...嘻嘻！ 希望我既分享可以鼓勵到你 -「好奇」也是一種推動力！記住1>0! 如果你想同我交流更多減肥心得，歡迎你add 我 fb: Smarty Ho Yin!
