今次繼續介紹幾款出街食飯低卡美味～ Lets 開心 share!!! 1. 雞絲湯檬/撈檬 - 越棧、嚐越 比著以前真係除左病住仲要出街食先會叫雞絲湯檬，十次有九次都係會叫豬扒/雞翼呢類睇上去性價比高一d 嘅嘢食，話曬都係炸嘢又香口，貴d都抵呀～ 朋友！如果永遠只係計較性價比就真係好難減到肥（我是講真的！）豬扒、雞翼呢d可以留返生日party同過時過節先食～ 平日出街食飯唔洗盡慶到爆quota 嘅！ 點解我會話撈檬都食得？ 乜唔係話d汁好肥嘅 咩？ 下次可以試下唔好一開始就倒左人地大半支汁落去變湯檬先！試下倒少少落隻匙羹，再放d檬粉上去。咁就會食到個味之餘又減少吸收過多嘅汁醬！ 2. 雞胸凱撒沙律 - supersandwich/Délifrance/Cafe 由於齋食凱撒沙律真係未必人人都夠飽（有時連我自己都唔夠～），所以可以選配雞肉；如果你喜歡跟三文魚都得，食曬都係兩塊咁多肥唔得去邊！ 但係食凱撒沙律就要注意汁醬嘅問題！因為個醬真係唔講得少,一不小心就會跌落陷阱！所以係落order 嘅時候就要同佢講明個汁分開上；同埋食嗰陣就唔好一開始倒曬晒d汁落去撈撈撈咁食，可以將啲菜放喺匙羹上，再用隻叉點d汁上去食！芝士如果係大塊嘅就先拎開一邊唔使食晒佢，因為都幾肥。 不過生菜嘅纖維好高記住食晒佢呀！ 3. 烤焗素菜沙律卷 - Starbucks 期間限定 經常去Starbucks開會，除咗食我至愛嘅Bagel之外我最近仲發現左佢有一款期間限定嘅烤焗素菜沙律卷。成個卷都係放蔬菜而且沙律醬又唔算多！雖然無肉到肚，但係都唔會食完唔飽！飲品可以配美式咖啡，0 kcal~ 今次講住咁多先！下次再同大家分享其他減肥生活小智慧！記住，除左注意飲食知我做運動都好緊要架! 所以今日咁好天就應該出去走動走動 啦！我去玩啦～ 哈哈哈哈！ 希望我既分享可以鼓勵到你 - 記住1>0，如果你想同我交流更多減肥心得，歡迎你add 我 fb: Smarty Ho Yin! 一
