每朝上磅，每次都要鼓起好大既勇氣! 雖然話我第一開始既成績都算幾理想，輕輕鬆鬆一個月就減左8磅，但係又唔係話磅數日日都有落，有時晚餐食多左嘢第朝就一定會彈磅！period 前又會彈一彈！仲要有時係一d連我都解釋唔到嘅原因總之就係會重返！唉～ 記得減肥初期有次同同事去食飯去食泰國嘢！雖然我之前已經做好曬quota plan 諗好自己可以食d咩大約可以食幾多！點知食食下突然有人嗌開酒，大家咁開心就飲左少少白酒！嘩～ 後來先知原來紅白酒嘅卡高都幾高！真係失䇿左！ 第朝就係咁彈左兩磅上去！望完個磅數足足唔開心左成朝！ 第朝就即刻食返刻制餐！蘋果、多士、烚蛋白、低卡芝士！lunch 又食返多d菜～ 就係咁第二日又落返少少。通常大上大落的情況只會在減肥初期出現 （即係食多左會上2磅，食返少d就會落返1 磅，再過一日就會抵銷返），但當我去到130磅以後就往往係上1磅，第二日只會落0.2-0.3 左右，要多幾日先可以抵銷到。 有人話要養成一個新習慣起碼要連續21日都保持呢個習慣先算成功（21-days rules)！所以我頭一個月都要迫自己記得一定一定一定要上磅！即使明知自己琴晚食多左今朝個數一定死梗我都迫自己一定要上！心態呀～ 要老實面對自己！ 有時我會好阿q咁諗：「我估今日會彈2磅！」「哦～ 只係彈左1磅，有驚喜呀！」跟住又會開心大半日！減肥，心理戰佔左一半！ 經過2個月左右，我第一件指標衫已經話到比我知我瘦左幾多啦！我第一下覺得原來我真係瘦左喎！好似發夢都無諗過~~~ 希望我既分享可以鼓勵到你 - 記住1>0，如果你想同我交流更多減肥心得，歡迎你add 我 fb: Smarty Ho Yin!
