早兩日打完風天氣好到不得之了! 一於約埋班Friend 入西貢游返個靚水! 今次我都醒講明唔去深水灣，因為上個月去過一次，比個dirty beach 嚇到半死！竟然游游下掂到塊....護墊!!!!! (真係想xyz佢！) 晨早10:30西貢碼頭已經堆滿曬準備出海既人，齊人買好嘢食就ready 出發！ 其實只要一大班人行過就自然會有船家問我地想去邊！講好價錢之後，船家就帶我地去買飛上船！（認住藍色旗～ 半個鐘一班船，好方便哦～） 天氣好～風景好～ 心情更好！ 落船啦! 可能因為時間仲早，沙灘人唔算多！第一件事就係要租遮同租浮條！因為就夠鐘要補防曬啦！今日用左兩枝防曬（SPF 50 & 100)都係阿珍送嘅! 嘩～ 睇下d水清到呢! 帶埋水底攝錄機，準備落水睇魚魚！真係估唔到淺水既地方都可以咁容易睇到魚仔同蟹！ 最搞笑係我後嚟上水坐坐下發覺點解條褲腳㾗㾗地.... 救命呀！邊樹爬左隻蟹仔係我條褲度...哈哈！ 全靠大家合力先幫我成功送佢返落海！ 點擊圖片放大 玩完一輪！好在無咩曬傷到，只係個膊頭位都有少少紅！不過都係要快d用蘆薈gel 嚟敷面同搽身補一補水先！ 呢個身影，得來不易呀！所以就算呢日做左咁多運動都敢亂嚟...人地餐蛋治、我咪腿蛋囉！人地飲啤酒，我咪... 飲左好多海水... 鹹死人啦～ 哈哈哈哈！ 想知道更多我既減肥血淚史就記得留意330日娘娘練成日記或者add 我fb: smarty ho yin
