一到星期日都會捉埋班friend 陪我一齊去打羽毛球，每次大約6-8人打兩個鐘。（試諗下得一個場，8個人打兩個鐘其實真係一d都唔算chur！）我呢班friend嚟打波嘅目的真係各有不同：除左減肥、當然仲有為左溝女/仔嚟... 甚至為左增磅嚟即都有！ 所以大家的焦點通常都係放係打完波食飯個度！ 有一次，有人提議打完波去食大排檔！ 唔係掛 !? 食大排檔!??? 蠔餅、肥牛煲、豆腐火腩煲、椒鹽九肚魚... 樣樣都係油加膩勁勁勁爆美食！其實如果唔係打完波食都無問題，但係呢頭做完運動個就去勁食咪即係趕鬼入、趕鬼出！ 講完一輪！哈哈...我最終都係跟隊照去！ 嘩！呢班人真係暴食症發作！蠔餅、粉絲肥牛煲、魚香茄子煲、咖哩牛腩煲.... 再加多碟比椒鹽九肚魚更邪惡嘅椒鹽鮮魷！我淨係聽住佢地點菜都真係OMG~ OMG~ 因為要減肥，所以望住成枱正嘢我唯可以做的就係望住大家食！ 當然大家唔會咁易放過我，不斷咁問我你要唔要試少少呀？ 哈哈... 我索性話連筷子都唔洗比我！於是個晚我就係咁飲住水陪大家食飯～ 減肥想成功，意志真係唔少得！特別係當自己要戒口但又望住人地食得好滋味嘅時候～ 我敢形容自己每次同班波友食飯就會變成一隻久經訓練嘅小狗。坦白講，有時做完運動都真係想食嘢，咁我會比自己食返個蘋果或食兩塊梳打餅。（提提大家，咪以為梳打餅細細包好似無咩殺傷力！其實一包4塊既梳打餅已經有大約100 kcal!) 又或者...好多人都會在做完運動後飲汽水爽一爽！我都好鍾意呢種感覺，但我會買有汽既梳打水效果都一樣！（只不過就係貴過汽水好多～ ） 成功需苦幹 !!! 希望我既分享可以鼓勵到你啦，記住1>0, 有做總好過無做！ 如果你想同我交流更多減肥心得，歡迎你 add 我 fb: Smarty Ho Yin!
