日日出街都真係有d 悶，但又唔想下下食叮叮食物。於是今日決定拎件新玩具出嚟玩下，順便請我個同事食lunch! 我講緊嘅新玩具就係呢迷你電飯煲~ 之前我已經試佢既基本功能煮飯同蒸水蛋，今次又試下用嚟煮烏冬效果會係點先! 話晒得1個鐘食lunch，真係整唔到複雜野。於是就簡簡單單魚旦芋絲湯烏冬啦! 買材料時我都會先睇下佢既食物標韱，好似呢包魚旦咁，佢每100g 都只係得66 kcal。計一計即係1粒係 [[計算過程: 成包係170gm，即係66 x 1.7 / 15 (除15係因為我倒晒出嚟數過係15粒)]] ~7.5 kcal。 芋絲就仲抵食，1包有兩份，每份20 kcal! 最正係佢夠飽肚。 自從食過試過一次冰烏冬之後就愛上左，口感一流。特別係係減肥期間，對自己好d 係好緊要!!! 所以貴少少我都一定會買嚟食。呢個烏冬有 316kcal，但係因為今日我地得兩個人要食晒d 魚旦同芋線，咁1個兩份share 都ok~盛惠158 kcal。 哈哈~~~ 計埋計埋今餐都唔過250kcal!!! 好抵唷~ 為左令個賣相Colorful 一d 我再加左d 雜豆落去! 唔好以為賣相唔緊要，整靚d 自己食都食得開心d啦! 好啦! 為左加快速度，除左個烏冬之外全部材料都用熱水浸一浸先。插著個煲跟手放埋熱水落去。一開始就可以放曬魚旦同芋絲。Lock 好個煲就煲8分鐘。 之後就先攞起魚旦同芋絲，因為冰烏冬唔洗煮好耐，就咁放落去，再煮2分鐘食得。 調味方面我就放左少少日本豉油。成個過程連埋預備都唔洗20分鐘，同平時等位食飯差唔多! 希望大家會喜歡我今日既分享既低卡美味~ 如果你想同我交流更多減肥心得，歡迎你 add 我 fb: Smarty Ho Yin!
