滅脂減肥大作戰開始過左一星期，身體仲係慢慢咁適應緊，食少左嘢最明顯就係有時半夜會餓醒 !! 哈哈~ 因為初初減肥我想去盡d， 盡量迫8點前會食完晚餐後就唔食野， 9點後就更加連水都唔飲! （雖然話當係game咁玩，但一d都唔係hea 住減！) 試過有次半夜餓醒左，我就同自己講：訓啦！第時打仗無得食都係要餓住訓啦～ （哈哈！ 我就係咁成功催眠左自己！） 作戰開始時...個樣係咁嘅... 話曬減肥，少少運動都係要做既。一星期一次約埋班FRIEND去打羽毛球同壁球。 其間，我照出街食lunch, 放工照約朋友食飯！唔知係咪以前減肥成日只係諗到lunch帶飯，三餐食麥皮，飲shake，狂做運動。。。往往好快就捱唔住， 我歸納出一個好致命既原因：我減肥啫，點解好似做左孤獨精！人地開開心出街食飯，無理由要全枱人陪我食草(菜）ga... 所以今次減肥我一直都堅持大家食乜我就食乜！唔好要人就我～ 同事話去飲茶？OK! 阿珍話去行街，行到邊食到邊？OK！ 就係咁，一個月後...睇上去唔多覺瘦左好多。 但已經有8磅！相入面我去飲，條裙係我係ASOS訂返嚟，個時仲著緊14碼！嘻嘻～已經比一買返嚟個時鬆左少少。 成功需苦幹 !!! 希望我既分享可以鼓勵到你啦，只要唔放棄就會有華麗轉身既一日！ 如果你想同我交流更多減肥心得，歡迎你 add 我 fan page
