好姊妹阿珍要結婚啦! 為左唔想同其他姊妹形成強烈對比我點都要比下面減少少希望到時唔好太難睇～ 哈哈！就係咁唔小心的起左個心肝仔認真地減落去.... 正式進入作戰狀態! Day 1 好順利咁過左，咁啱個日係公眾假期幾本上都係係屋企食嘢可以控制得好好; Day 2 雖然有出街食，不過我一早已經睇定魚旦米只有220kcal，所以只要揾到魚旦米就ok! 但世事又點會咁順攤，Day 3...衝擊來了！ 約左班Friend睇戲之前一齊食茶餐廳! 坐低我叫左雲吞米加熱齋啡 (比著以前我實係沙嗲牛肉麵 @.@!) 好快大家已經留意到點解今日我食咁少嘢同埋食得咁齋，咁我咪話 「減肥嘛~ 嚟緊要做姊妹呀!」 本來想輕輕帶過就算，點知有人突然爆句:「人地仲有半年先結婚! 你減完再肥返人地都未結婚啦! 」 個心即時沉一沉! (你班花生友… 好似又預左我今次實減唔到咁!) 而家諗返轉頭我真係好想多謝呢位花生友! 多得佢呢句說話令我更肯定我將減肥當一個 game 咁玩係無錯~ 因為減到就一定係我贏，減唔到… 反正你地都預左我減唔到…咪至多比你地笑兩句，計落都係無蝕底! Yeah~ 其實花生友真係總有一個係左近，每次當我話想減肥就一定會有人話而家肥嘟嘟咪幾好! 太瘦唔靚ga! 但只要有一個靚少少嘅行過，佢既視線就會跟左人地走~ (現實!) 又或者我呢頭話要減肥，個頭就有人話約食生日飯去食buffet! (去… 班花生友就會話: 「乜你唔係要減肥咩?」 咁我唔去啦… 「唔係嘛! 食埋今餐先減啦! 預左你啦~」) 講左咁耐又或者減左咁耐，我真心想講: 減肥從來都係一件自己同自己交待既事!花生友可以隨口講出一d 打擊你既說話，最緊要係自己唔可以打擊自己! 記住: 無人係第一次減肥就會成功，我呢1次既成功都係經過左N次失敗! 希望我既分享可以鼓勵到你。只要唔放棄，你就會有「華麗轉身」既一日! 加油呀~ 如果你想同我交流更多減肥心得，歡迎你add 我 fb: Smarty Ho Yin 圖為作戰期間我成日食嘅魚旦米!
