由細到大我都好鍾意食嘢，細細個陣試過一擺但飯碗就去煮麵食、或者一邊温書一邊啪蝦條，甚至去到減肥前兩個月我都仲係擺抵飯碗又去摷餅食! (真係OMG~) 即時實施「進口」管制! 要有效咁減肥就一定要控制「進口」食物既卡路里。首先就要了解自己平日食開既食物既卡路里大約有幾多啦~ 咁點樣可以知道每樣食物既卡路里係幾多呢? 我都係用一個最原始既方法 --- 問Google! 直接search “乾炒牛河卡路里” 咁就一清二楚。注意唔同網站既kcal都會有d 出入，始終世界上無兩碟乾炒牛河係一模一樣既!~ 而我個人就會選擇信較高卡路里個個資料，包無走雞! 唉~ 真係唔睇唔知卡數高! 原來我平日食開既嘢通通都係「邪惡」之物! 1. 沙嗲牛肉麵 – 常餐必食既沙嗲牛肉麵就已經有600 kcal*。都未計炒蛋多士同凍檸茶，食埋分分鐘過千。 2. 雞煲 – 我好鍾意食雞同食辣。雖然至今仍未揾到有關雞煲既數據，但係睇佢浸油都知佢既「邪惡」指數係無得輸! 3. 腸仔、午餐肉 - 單係一條腸仔就已經有大約100 kcal，試諗下你去BBQ又點知會食1條腸仔咁少? 至於午餐肉每100g就有334 kcal，以一罐高身既午餐肉計就大約有340g，即係話當一罐切8塊，每塊就已經有成140kcal，等於大半碗飯! 4. 星洲炒米 – 一直以為只有乾炒牛河係好邪惡既食物! 不過就估唔到原來星洲炒米同比佢更邪惡!!!! 5. 山竹牛肉 – 呢個我都真係嚇左一跳! 因為我一直都為山竹牛肉係蒸既點心，應該唔會高卡得去邊。點知原來一粒就已經有成94 kcal，食一籠就將近300kcal!! 其實仲有好多驚人發現!!! 希望係之後既文章入面再慢慢同大家分享。不過雖然話就話係邪惡食物，但係若果我真係好想食，我都一樣會比自己食!!! 至於點食法，請繼續留意“邪惡食物大搜查下” *文中提及的卡路里資料均來自網上資源。 成功需苦幹!!! 希望我既分享可以鼓勵到你啦，記住1>0 ! 如果你想同我交流更多減肥心得，歡迎你add 我 fb: Smarty Ho Yin!
