正所謂減肥就係一件同自己過唔去嘅事！想成功必要從根本改變自己既飲食習慣！Rule no. 1就係要同蘋果談一場戀愛！I love apple! I love Apple! I LOVE APPLE! 真心講，我而家真係見到蘋果都驚！但係無計，鬼叫佢既頂肚又可以幫助便便；就算食到口到歪埋我都會盡量每日一個！（有時仲唔止一個！） 最簡單既食法：每朝起身當pre-breakfast， 咩都唔諗就咁刨一個！但係咁既話，我包你唔夠7日已經想放棄！ 於是，我為令減肥成為一件可持續發展既事，我有時都會用蘋果嚟製作其他食物！但我必需聲明以下三款只根據我個人喜好而自創！講堅並非人人能接受的！ 1. 蘋果南瓜沙律多士 將南瓜烚熟壓茸，加入少少日式芝蔴醬及蘋果；放在烘過的多士上成為open sandwich; 睇上去賣相係好colorful, 但就係煩dd... 要花功夫烚南瓜同烘多士！ 美味度：5 （5為最高；1為最低） 古怪度：2 製作難度：4 2. 蘋果撈乳酪配包 乳酪係另一樣我減肥期間成日食嘅食物，切左個蘋果撈杯乳酪配英式鬆餅同烚蛋白一齊食。總算係一款有味既食物！ 美味度：3 古怪度：4 製作難度：2 3. 蘋果夾麵包 有時趕時間食早餐返工，又發現個雪櫃一樣可用嚟夾包既嘢都無就索性將個蘋果切片用嚟夾包！坦白講係幾爽口係好味！但唔明點解我班同事會話好核突！ 美味度：4 古怪度：5 製作難度：0 今次講住咁多先，希望我既分享可以鼓勵到你，記住1>0! 如果你想同我交流更多減肥心得，歡迎你add 我 fb: Smarty Ho Yin!
