係正式進入減磅滅脂大作戰之前，有三樣工具係必需的：電子磅、筆記簿&卡路里計算機。 1. 電子磅 - 圖中的那一款我記得早幾年買都要$399。不過，我都見過團購有其他牌子但功能相近的賣$1xx。 電子磅的好處除左可以提供較準確的數字方便記錄外，仲可以同時知道body fat, body water 同 bone mass呢d資料。 咁就可以一路monitor自己的身體狀況。 2. 筆記簿- 每次上完磅之後用嚟抄底返個磅數同其他指數。另外，有時隔晚食過乜嘢都會影響第朝上磅。例如今朝上磅重左兩磅（唔係誇，有時真係食大一餐第朝個磅都會嚇一嚇你！）咁我就會mark返去飲、食宵夜等等... 因為磅數總有上落起跌，只要揾到原因調節返飲食，就唔會跌係「下! 點解我會重左」嘅失落之中。 每朝上磅帶來的三大好處： ~我自己個人既習慣就係每朝起身沖完涼刷完牙空腹就會上磅。因為上磅會輕秤d，鼓勵性大D ~定時上磅抄出嚟嘅體重更有參考價值。曾經有朋友話佢係習慣臨訓前先上磅，不過有時出完街食飯會唔記得，太眼訓又會唔記得... 總之就係唔記得 -_-＃ ~如果今朝上磅發覺琴晚一唔小心食多左，今朝真係重左好成磅幾兩磅！放心，好在發現得早可以即時調節返早餐食返light d就可以預防脂肪積聚! 3. 卡路里計算機 - 係我上一篇「心態篇」同大家分享過要當減肥係一個game, 唔好同人比較點解人地減得快，自己減極都唔落磅。其中一個原因就係本來大家的體質都唔一樣，可以攝取既卡路里同你唔同。 所以，減肥一開始，我就要知道自己可以食幾多嘢先！大家都一齊試下玩啦～ - 先入左呢個網址：http://0123456789.tw/?p=1670 輸入自己既個人資料 －咁電腦就會出左幾個數字比你，以我為例基本熱量需求係1496卡路里，唔做運動的話係1796卡路里，做1-2次運動就係2057卡路里 - 睇返資料原來每攝取少3500 kcal 就要減一磅；咁我就定自己每日食少500 kcal, 一星期就可以減一磅啦～ 因為我一星期會做兩次運動，咁我即係每日大約可以食 1557kcal. 今次講住咁多先，希望我既分享可以鼓勵到你，記住1>0! 如果你想同我交流更多減肥心得，歡迎你like 我個fan page: Smartttty 延伸閱讀:
