唔講大話，堅$28可以食好野兼有靚景！！小編為左食到呢碗粉，真係做足功課架！！事關佢係一碗艇仔粉，煮粉嘅艇仔係會四圍去(好耐之前主要係賣俾漁民)~~以前想食，真係講彩數，可遇不可求 不過，艇主流叔最近開左FB仲留埋電話，方便大家搵佢係邊為食小編立即去試 流記艇仔粉煮嘅湯底用左水上人最愛的梭羅魚及大地魚熬湯，的確係幾鮮甜又唔腥，小編最後差不多飲哂(之後完全無口渴)當日叫左魚蛋燒鴨米，如相所見，大大碗勁足料！！魚蛋夠彈，魚片夠鮮味，配埋個湯，真係好好味~~一定會再encore 不過艇仔係無位坐架，叫左煮好再遞俾你，但附近一帶係海濱公園，隨便任坐~~一邊食，一邊有無敵海景，係咪好正先？？？ 留意返，流叔自己一腳踢煮粉收錢接電話，所以記得要有Ｄ耐性，做個有禮慳·精(話埋你知，流叔係有流動熟食小販牌，合法經營，唔係走鬼檔黎架) 出沒位置:香港仔沿海旁及香港仔漁市場一帶 -珍寶香港仔碼頭 -香港仔海濱公園對出碼頭 -逸港居對出的香港仔觀光舢舨碼頭 -鴨脷洲悅海豪庭對出的海濱公園舢舨碼頭 -鴨脷洲洪聖古廟及市政大廈對出的舢舨碼頭 營業時間: 早上10:00 - 下午16:00 (星期一至日) 電話:9140 2628 FB：流記 香港仔艇仔粉 #非廣告 #自費 #不認識 #誠意推介 #食得又睇得 #慳精日常 #jetso #sample #免費 #著數 #流記 #艇仔粉 #香港仔 #梭羅魚 #大地魚 #鮮甜 #傳統 FB：https://www.facebook.com/smartjetso21/ IG：https://www.instagram.com/smartjetso/ 記得Like 慳精日常 Smart Jetso ！~~仲要″追蹤″(follow)度揀″搶先看″(see first)，就唔會再錯過我地嘅好介紹！！
