二月十四。 今年已係我同食家一起的第六個情人節了，為左避開人潮同唔想食千篇一律既情人節西餐，我決定親自下廚，煮番兩味﹗ 不過要講講，情人節買餸真係嚇死人，街市凍肉鋪四五十人排隊買扒，海鮮俾人買哂﹗CitySuper成百人排隊買生蠔，睇黎平日無咩自煮既朋友情人節都會出手，唔想同人迫既朋友都係預早買定好一點﹗ 今晚主題是海鮮餐，仲邀請左兩位老友一起吃，最後大家都很滿意，睇睇今晚有咩食先﹗ 東風螺唔洗介紹喇呱﹗ 街市想買隻蜆都無，一於買番斤螺慢慢吃﹗ 凍鮑魚，呢個係今日情人節重點食物﹗ 好在我都醒尋日已經在屋企整定﹗唔係今日真係無得食﹗ 簡單講解做法大家可參考。 大連鮑$180斤，一斤有6隻，先洗擦乾淨去腸凍水落煲熟，再浸冰水﹗ 個汁就係用鮑魚汁及鰹魚汁兩溝加水，自己試味，夠味的話再加多兩片陳皮，鮑魚浸完冰水之後放入汁內浸一晚，第二天切粒食得﹗ 十分美味，鮑魚彈牙夠味，大家十分滿意﹗ 刺身壽司吉之島有售﹗ 今晚飲既酒係Sangria﹗ 只要買最平既紅酒加果汁先生，份量紅酒2:1， 再加雪碧及蘋果粒，雪凍佢搞掂﹗ 甜甜地又有酒味，十分適合開party場合﹗ 開餐開餐﹗ 大狗最愛既凍蝦盤又係好易整﹗ 游水海中蝦灼熟浸冰水，之後去殼留尾放靚佢雪一雪搞掂﹗ 個汁就是凍蝦醬，Citysuper有現成的，你見到茄汁中間有隻蝦的就是了﹗加多幾滴檸檬汁會更美味﹗ 一見蝦大狗又來料啦﹗最後俾佢食左兩隻﹗ 烤雞翼不用介紹了吧﹗ 忌廉白酒黑青口﹗ 活黑青口在Citysuper有得買，$150一包﹗ 先在鑊中放入牛油，再加入大量洋蔥蒜蓉炒香，加入半杯白酒。 再下青口，炒佢幾野加入忌廉，焗佢一陣等青口開口再加埋剩下的半杯白酒，灑鹽及黑椒，再兜佢兩兜食得﹗ 活既黑青口又甜又綿，極美味，連唔食青口既朋友都連食好幾隻話口感同平價的好有分別﹗ 自己亂咁來切開個蒜頭，加入海鹽及牛油，焗熟佢估唔到又幾好味喎﹗ 食家昨天做好的Candy Crush爆炸糖情人節朱古力﹗好味﹗ 情人節朱古力來個合照先﹗大家甜甜蜜蜜﹗ 鮮花一束不可少吧﹗ 這就是我倆的第六年情人節，希望大家也有美好的一天﹗ 多謝大家支持，又係那句，網誌十年才更新一次，搵我就add我Facebook啦﹗ https://www.facebook.com/#!/smallsmalllin 我的微博: http://weibo.com/smallsmalllin
