周日四圍逛，當然是飲飲食食﹗ 一切由荃灣開始，來荃灣我同食家都有共識，就係次次都係揀呢間﹗ 正宗山西刀削麵店，地點在荃興徑﹗ 之前我倆食開的一間是在沙咀道的分店，今次一試這總店的出品﹗ 來這兒其實咩都唔洗講，一定是吃刀削麵﹗ 見廚房主理的師傅是個三十來歲的後生仔，同食家還笑說佢經驗不足唔似大師傅，點知見佢當住所有食客搓粉打麵，刀削麵糰入湯鍋等動作全部有板有眼，功力強勁﹗ 一試麵質便知曉，比沙咀道的麵條更彈牙，有嚼勁，軟滑又帶麵粉香，好好味﹗看來以為要轉來這間了﹗ 除了我倆至愛的刀削麵外，這兒的麻辣亦令人一試難忘﹗ 麻辣燻蹄，肉香而不羶，大量的蒜粒及麻辣料是這店的靈魂，老實講真係好辣，但是很香很麻很惹味，要追著吃﹗ 花鵰醉雞醃得入味，肉仍嫩滑，酒亦不帶苦澀味，香噴噴﹗ 這是我每次都點的炸豬扒，即叫即炸，香脆，與刀削麵同吃就是覺得很夾﹗ 加多杯豆漿才$100，此曲只應天上有，廉價的民間美味就在此處。 晚上落街消夜，元朗大行其道的德國啤酒店已進駐沙田河畔花園﹗ 店名Fassbier，有到過元朗的朋友都知而家開到條條街都係，估唔到揀沙田河畔來開店，可能貪隔離是酒店晚晚有遊客來消夜吧﹗ 店外有幾張檯仔，賣的是支裝的德國啤酒，講到明只做外賣，因此不用取酒牌，成五六十蚊杯酒真係賺到笑﹗ 隔離仲開左間串燒店嘢味燒，見個員工兩邊走就知其實老闆都係同一個吧﹗ 健力士與1664每杯$55，就飲一杯咁多吧﹗ 德國啤係咩唔洗點介紹，反而覺得這間嘢味燒的食物不錯﹗ 椒鹽雞軟骨，$20，炸粉雖厚了點卻香脆惹味，送酒一流﹗ 這兒應有泰廚做泰菜，泰式無骨鳳爪沙律$30﹗ 個汁夠辣又酸，做得相當醒胃，鳳爪爽口，係嫌佢得四五隻少左尐，但味道著實不錯﹗ 椒鹽四季豆$18，四季豆先炸香再灑上椒鹽，送酒不錯﹗ 這就是我們的河畔消夜喇﹗ 意想不到這店都幾多街坊幫趁，我地十一點走人都仲見有人排隊買啤酒﹗ 不過我老實點說，隔離麗豪酒店日至五地下的仙吧 Happy Hour是買一送一，$70左右已有兩杯，如未至夜深當然去酒店飲啦﹗ 多謝大家支持，又係那句，網誌十年才更新一次，要知我每天去邊飲飲食食，訂閱我的Facebook啦﹗ https://www.facebook.com/#!/smallsmalllin 我的微博: http://weibo.com/smallsmalllin 我的Openrice專頁: http://smallsmalllin.openrice.com/
