周日放假當然搵尐野搞作，去咗沙田禾輋吉之島周圍行﹗ 俾我地見到冰鮮的蝦刺身﹗ $40一碟，一碟有18隻﹗ 今晚一於來個生蝦刺身大餐﹗ 解凍，開封，用冰水沖一沖佢，攪掂﹗ 真係唔洗三分鐘﹗ 搵隻大碟放上冰塊，再鋪張保鮮紙，放上蝦刺身，係咪有尐睇頭呢？賣相也不錯吧﹗ 個泰式汁用左魚露、糖、檸檬汁、辣椒粒及蒜蓉整的﹗ 個味都似泰國食店做的，但就唔夠辣，下次要加多幾粒辣椒先得﹗ 講番個刺身，爽口同彈牙程度同出面食新鮮蝦無咩分別，但始終是雪藏貨，欠了一份鮮味。 不過$80有成40隻又易整，有時在屋企過過口癮也不錯﹗ 真係估佢唔到，明明生蝦應該無香味，但竟然俾大狗發現咗，仲食左兩隻添﹗真係為食到無朋友﹗ 多謝大家支持，又係那句，網誌十年才更新一次，要知我每天去邊飲飲食食，訂閱我的Facebook啦﹗ https://www.facebook.com/#!/smallsmalllin 我的微博: http://weibo.com/smallsmalllin 我的Openrice專頁: http://smallsmalllin.openrice.com/
