終於等到正式上箍既日子 我相信大家都一定會有一starter kit，裡面有藍紅盒仔 藍色係俾你帶出街，當要除箍時放入去，以免將個箍當左垃圾咁掉左 因為如果唔見左／整爛左個箍要額外俾錢再整，而且仲要再等佢寄返黎真係又漫漫長路架 紅色係要黎裝返你前一套箍既，因為下次覆診醫生可能會睇你之前戴成點 之前姑娘話係43套。。。點知。。而家係49。。。即係要2年時間 :cry: 今日只係拎一套所以係1 of 49，之後覆診就會拎4套返去，到時要記得跟住個no ＆ 日期去換，姑娘話到時會mark晒日期 U＝upper上排 L＝ lower 下排 下包就係chewies，每次戴箍後就記得要咬下，等個套同d牙咬合d 姑娘教我將一個chewies放係藍色盒度，咁就唔會唔記得拎 如果真係唔記得，都要用紙巾黎咬下呀！ （我尋晚都試過用紙巾咬，感覺係無chewies咁好，所以記得chewies要跟身呀） 跟住正式戴啦 先戴上排，姑娘話首先對準門牙。。但其實我門牙係有d斜所以我覺得好難對準，之後用力啪上 跟住再戴下排，一樣對準前面幾隻牙再用力啪 再試除。。。要先從大牙邊撩起再從前面用力除 但我想講我係完全除唔到。。唔識點用力又驚整爛個箍 好辛苦先除到。。。 但d口水流到我自己都覺得好樣衰 :-? 姑娘話咁係正常，之後習慣左就唔會咁樣 之後再戴返箍等見醫生睇下岩唔岩位 醫生建議我戴住黎食野，咁樣戴既時間比較足等個效果會好d 下次去就會加8粒attachment再磨一隻牙 所以下一個箍先係正式開始 :cry: 4/10 由尋日正式5點開始戴，除左食完野除過溂口同夜晚刷牙 我諗都戴左18－19個鐘，第2朝除箍又係搏力既開始，但一除低刷牙。。。好痺吖 之後間唔中都feel到個箍緊緊地咁，真係野都唔太想食 :-| 夜晚戴箍時仲夾到個咀。。。勁痛 總結：第一套箍真係一個適應期，感覺唔痛但好唔舒服（真係完全唔識形容個感覺）同埋等你熟練下戴同除箍（但今日第3日。。我依然係唔太識除，有冇人可以教下我點先除得易啲？）食野方面，太大舊既用我係無乜力咬，基本上由我mok完牙開始，我已經練習緊咬2下就喪吞既能力，我諗唯一好處係食野唔會再整到mok牙位唔會唔舒服咁囉
