上個星期聽完音樂會一行七人去了九龍城食甜品糖水。通常人多我們都選擇去《天糖》，但這次下著微微雨不宜久等，有試味尚宮之稱的我見到有新店開張，所以去了前半條街的新開張<金井㟲>。 這新店吸引我們的是簡約西式風格的裝修，配上有窩夫和自製軟雪糕的Product shot ，再加新張期內8折優惠，結果我們完全中伏了。 朋友A：原打算可以最快有得食，所以點了最普通的西米露，但結果係全枱最遲上枱，等候時間大約二十五分鐘！ 朋友B：白雪綿綿冰真係好白！因為無論由益力多口味綿綿冰、小丸子都係全白！實在好pure，但係pure到連味道都同水差不多pure!!!! 朋友C-F:一齊叫左窩夫，分別兩個士多啤梨兩個藍莓口味！上枱時見到個樣大家都好開心！朋友C係我！仲開心到拍手，全因店員美女話配的雪糕係他們家自製的！好，我地就二話不說大口大口食，結果真係好喜出望外，因為呢個雪糕係香芋味而非藍莓味，係好食又點，人地滿心期待係藍莓！huh! 此時，朋友E講了一句，嗯！啲窩夫都幾似鬆餅呀！硬到呢！ 朋友G: 普通的布甸但好甜，我都係唔食啦！ 根據以上調查所得！好！我地一行七人裁定這間名叫金井㟲的甜品店無限期不再光顧，直至另行通知！ 如果有票選九龍城最難食甜品，金井㟲一定榜上有名! 實在太令人失望:(......凱喬
