係未介紹之前....好想多謝一直有follow 我個blog 既所有讀者....... 見到自己介紹既地方有 人睇....其實絕對對筆者有好大鼓勵既作用....... 應承大家一定會再落力寫多啲更好既地方比大家去玩....... 今日筆者想介紹既地方是位於觀塘一間提倡美好生活既單車店....... 點解要介紹佢地.....因為佢地既位置就正正係小時光既樓上......... 舊時踩單車絕對係運動,但因為近年好多人鐘意慢活..包括筆者自己.. 好多文青亦因為咁而三五成群組成一啲單車團... 無論係市區定郊外,亦可以係踩單車之上加上唔同既趣味， 例如野餐或露營等等.....所以單車同單車既週邊商品絕對係 文青既入手必備ITEMS...... 佢地個名叫Bike The Moment Store 髦民士多 地址:觀塘興業街16-18號美景工業大廈B座B11室 營業時間:星期一同星期二休店,星期三至星期五:2:00P.M-8:30P.M, 星期六及星期日:12:00P.M-8:30P.M 筆者唔怕長氣再介紹一次點去........ 甘點去呢.... 觀塘港鐵站B1出口.....落橋後一直向前行, 直至見到麥當勞.... 見到麥當勞代表到達興業街.....跟住左轉.... 一直向前行....望番過您既右手邊就會見到美興工業大廈...... 其實同小時光係同一棟大廈...不過佢地係11樓..... 即係入LIFT禁11字.... 一出LIFT 麻煩向您既右手邊行到最尾...... 應該會見到啲塊水牌.....入去就岩啦.... 啲度就係....Bike The Moment Store 髦民士多 提提大家.....因為店主養左兩隻貓咪...所以入屋一定要除鞋....... 佢地平時會係鋪頭行黎行去..... 咁岩筆者琴日去,兩隻貓咪做完絕育手術...所以係籠中休息.... 兩位店主本身都好熱愛單車啲種活動...... 但係香港推行URBAN CYCLING 絕非易事..... 畢竟香港既單車配套設施仲有好大進步既空間....... 而且人多車多........ 不過....無野係難到有心人..... 經佢地既一番努力後....已經由網上既專頁進展成有一間實體店..... 佢地亦好有heart ,不定期舉行一啲單車友活動....... 大家見到牆上面就係好多朋友仔之前參加活動既照片..... 話明係單車店....雖然面積唔算太大....但佈置得好似一個工作室..... 好舒服......睇得出店主好比心機去經營...... 點擊圖片放大 佢地既理念仲吸引了東京單車品牌Tokyo Bike同佢地合作， 令佢地成為香港經銷商....... 而家踩單車已經可以係一種生活態度.... 因為單車既款式已經有好多選擇....... 絕對係一種享受生活既表現..... 點擊圖片放大 +2 除左單車,佢既週邊商品亦好吸引....例如有帽....水樽.... BACKPACK.....頭盔等.... 講過單車可以配合埋野餐....所以啲道亦有野餐用品出售....... 全部都好靚.....筆者見到都好想買晒返屋企.... 啲度除左係單車店.....仲係一間小型既咖啡店...... 就算您對單車無太大興趣... 上黎飲下野...HEA 下絕對係好寫意...... 啲度畢竟唔係真正既CAFE....所以飲品沒有太多選擇...... 而食物亦會因應日子而變..... 今日既食物就係碎蛋番茄三文治.... 或者您會好奇...點解個餐牌會無價錢.....筆者問過店主..... 佢比個箱我...叫我隨心入幾多就幾多.... 聽完之後覺得真係好鍾意啲啲小商店.......唔係下下都講錢...... 希望大家都好似筆者咁多多支持佢地.... 筆者就叫左ENGLISH BREAKFAST .... 而朋友就叫左MOMENT COFFEE..... 哈哈.....味道亦相當不錯......佢地用既餐具亦好WARM..... 好有屋企既感覺....估唔到佢真係比個水煲我自己慢慢倒..... 點擊圖片放大 至於野食亦即叫即做...雖然得一款......但味道絕對唔錯..... 係啲度傾計睇書絕對係寫意既享受....... 啲度亦有少量書藉比您慢慢睇....慢慢嘆..... 點擊圖片放大 牆上面亦有好多照片....供人欣賞..... 點擊圖片放大 如果大家想參加活動,可以FACEBOOK SEARCH : Bike The Moment 如果想買野,可以FACEBOOK SEARCH : Bike The Moment Store 髦民士多 佢地亦有INSTAGRAM: bikethemoment _store 希望大家都好似筆者咁...可以渡過一個咁寫意既假期.......
