大家應該好奇怪,點解筆者今次介紹既地方竟然係深圳, 仲要同文青拉上關係... 一般人上深圳不外乎揼骨,食野....... 對於上深圳十隻手指都數得晒既我同大家既唸法一樣... 但咁唸既我地就大錯特錯啦, 因為今次筆者帶大家去既地方絕對令您 唔知道自己係深圳定係台灣... 事不宜遲,即刻出發.....岩晒啲無時間去旅行但又想近近地玩番日既您同我..... 今次真係好感謝兩位住係深圳既好朋友當我既人肉指南針,而且十分照顧我, 真正明白到出外靠朋友既道理..... 今次我地會經落馬洲到福田口岸,因為福田口岸比較近我地去既地方, 而羅湖個邊就比較接近舊區........但提醒大家.... 落馬洲晚上10點就會關閘........ 對於第一次係落馬洲落車既我係比較好奇啲...... 經過埋啲條長電梯,將係一河之隔既我終於黎到福田口岸啦..... 好.....文青之旅正式出發....... 第一站我地會去一個大型商場.....COCOPARK.... 裡面既一間大型書店+COFFEE SHOP .... 今次去既地方全部地鐵都去得到,放心啦..... 我個兩位朋友仲幫我預備埋儲值咭,如果大家仲會去,不坊都買番張, 同我地既八達通一樣..... COCOPARK 位於購物公園站..... 深圳既地鐵都算幾乾淨.... 我地會經龍華線搭到會展中心落車.... 轉另一條羅寶線到我地既目的地購物公園站...... 放心....地鐵既指示牌都十分清楚..... 啲一程車費人民幣2蚊炸.... ..跟住G 出口就到左COCOPARK..... 我去到除左AMAZING 外,跟本唸唔到可以講咩..... 啲個商場除左應有盡有外....最特別係有個兒童歷奇區, 要知道筆者都好想玩.... 但因為超晒齡........只可以做旁觀者...... 終於到左第一站目的地:西西弗書店..... 地址:【COCO Park店】福田星河購物公園1樓 營業時間:星期日至四:朝十晚十,星期五及六:朝十晚十點半..... 書店分為兩部份1樓係書店+咖啡店..... 2樓就全層都係咖啡店.... 左邊係書店既正門.....右邊即為UC 矢量咖啡店.....兩者係打通既.... 門外亦設置座位...好適合影下相....扮下野....... 左邊既書店,亦設有閱讀區,分分鐘環境仲好過誠品.... UC矢量咖啡分成兩層.......您可以落完單再上樓上慢慢嘆...... 朋友們十分有心,知道我未食早餐就點左兩個set大家一齊食......... 佢地既set係固定左既: 包1件cake 同一杯Latte / 水果茶.......消費大約30蚊-50蚊人民幣不等..... 係香港,發票未必好有用,但係深圳您絕對要keep 好..... 因為係深圳,大部份既CAFE/COFFEE SHOP 都有自己既WIFI比客人用,而張野既底部正正印左WIFI PASSWORD 同埋係啲度,只要您肯幫襯.... 就可以憑發票落書店攞書上黎慢慢嘆.........不過一人只可以攞一本....... 筆者就梗係唔執輸同朋友落去攞番本啦.... 啲度仲有留言區.比讀者同食客寫下意見... 仲要比我搵到本好正既書,完全講出左我既心聲....... 筆者就梗係即刻入手左...... 攞完書,上番2樓......嘩....坐係啲度慢慢嘆真係好正,仲要有免費WIFI.... 點擊圖片放大 隨便搵一個角落待上一整天都唔錯.......我地都嘆到12點幾......... 之後,朋友帶我落番去地下街搵野食,要知道深圳真係好似台灣... 地下鐵係連住地下街... 好似連住 COCOPARK 既地下就叫連城新天地........ 裡面有好多唔同既食肆,亦有小商店比大家行下..... 我地都係地下街食完少少野.....跟住就搭地鐵去下一站....僑城東站...... 只要搭多3個站就到,因為係同一條線上......都係羅寶線, 終點都係去機埸東......車費都係2蚊人民幣..... 點擊圖片放大 +2 我地會係A出口出,會途經一間叫康佳集團......見到啲幾個英文字就轉右....... 您跟住會見到一條直路....兩旁種滿植物..... 繼續一直行就見到我地既終點...... 華橋城文化創意園....... 啲度係文青既集中地,面積有如高雄既駁二藝術特區,啲度有展覽睇, 有好多好有特色既書店,手作店,咖啡店等等,好運既仲會遇上假日既 創作市集......如果您自認係文青..... 咁您就一定一定唔好錯過......啲度仲有好多展品可以影下相...... 點擊圖片放大 同朋友梗係要影下相,啲度令我唸起高雄既駁二....... 都係好大面積,亦都係有一點點懷舊既味道..... 啲度仲有好多唔同特色既咖啡店..... 啲間叫驢吧......好多人食同推介...... 但因為筆者想試下另一間.....所以提供資料比大家去試下... 地址:華僑城創意文化園香山東街5號EA(近僑城青年旅舍) 開放時間:星期一至日:10:00-22:00 驢吧行前啲仲有一間花店,大家可以係個度影下相..... 華橋城文化創意園亦提供單車出租,但筆者想行下,所以影下相就算.... 筆者好好彩遇上有創意市集,佢地既市集係逢第一個同第三個星期六.... 點擊圖片放大 +7 佢地既手作仔絕對唔會比香港既JCCAC差.... 而且啲度除左有自家製,仲有好多VINTAGE 野, 而且價錢絕對合理.....筆者都買左少少VINTAGE 野走.... 啲度亦好老少咸宜....啲個其實係比小朋友玩既瀡滑梯,筆者玩過, 都幾正..... 點擊圖片放大 +2 玩完之後,筆者去左另一間想介紹比大家既咖啡店,叫舊天堂書店...... 地址:華僑城創意文化園北區A5棟120..... 營業時間:10:00–22:00 佢係一間書店加CAFE.... 前半部係書店...... 後半部係咖啡店....仲可以坐室內/外......好多人都慢慢嘆...... 相信好多文青都知道戀物誌啲本雜誌....係啲度有佢地既實體店... 地址:華僑城創意文化園OCT-LOFT北區A4棟113 營業時間:周二-周日12:00-21:00PM 文青既您地一定要入去行番轉..... 其實啲道都有好多地方可以影下SNAP ........ 玩到咁上下就出發去另一間特色既CAFE...... ZOO COFFEE..... 如果大家搭地鐵去,可以係番頭先華僑東上車, 去到世界之窗站之後轉乘蛇口線, 記住係往赤灣個方向,搭到後海站落車....車費都係3蚊到........ 跟住出D1......行過去大約20分鐘到..... ZOO COFFEE 係一間由韓國人開設既咖啡店..... 近年努力打入中國市埸,係中國各城市開設分店..... 地址:南山后海大道濱海之窗2號樓01室.02a商鋪 營業時間:09:00-22:00...... 筆者黎到門口已經啊左一聲,叫ZOO COFFEE , 真係有隻一比一既長頸鹿係門口歡迎您..... 店裡面亦好似動物園咁.....好用心既佈置....... 佢地既飲品分成3個SIZE..... 紙杯亦都好有心思........有班馬,豹同動物圖案..... 裡面既空間好大,有好多公仔同動物壁畫,令您好似置身係動物園咁....... 點擊圖片放大 啲度亦好適合一家大細黎...因為有好多公仔同CUSHION比佢地影相... 一定唔會悶親... 有圖為證...哈哈..... 我地叫左3杯野飲,同一個窩夫3個人SHARE......合共人民幣132蚊, 其實同香港差唔多,但淨係個環境都值回票價啦...... 我地搵左個位罝慢慢嘆....傾下計.....仲要有落地玻璃....... 影左好多相.....第一次同咁多動物一齊high tea...... 點擊圖片放大 +3 就黎又有幾日假期啦,就算無時間去下旅行..... 近近地上深圳走一轉,同朋友情人好好渡過一個好好既假期啦......