係香港,如果要您搵一碗雲吞麵有幾難,筆者亦唔會咁求其介紹..... 但如果要搵一個地方既可以輕輕鬆鬆飲下咖啡又可以影下old school 野.... 咁您去我今次介紹既地方一定滿意,又可以hea 下,又可以影下相, 又可以食下all day breakfast ... 今次要介紹既地方叫Wontonmeen雲吞麵 佢係一間背包客既hostel,落腳既地方.... 可能您會問我,我又唔洗住hostel,咁點解仲要介紹,究竟有咩特別, 比啲耐性睇埋落去先啦.... Wontonmeen既地址係荔枝角道135號 甘點去? 首先係太子c2出口...... 跟住過馬路.....一路直行,直至見到雷生春...... 記往唔好反雷生春既方向走,過多一條馬唔就會見到...... 今日既目的地....Wontonmeen雲吞麵 佢既門口絕不起眼......入去包您會意想不到.... 點擊圖片放大 Wontonmeen雲吞麵本身係有兩層....地下主要分左2 小parts , 有小型既咖啡店,有一個common area..... 逢星期5更會係common area不定期舉行活動, 例如電影放映會,攝影講座, 岩岩星期5就有九型人格既講左等等..... 筆者問過每次費用大約百零蚊,已包一杯野飲... 有興趣可以上佢地既專頁 https://www.facebook.com/wontonmeen 就係啲個位,係米好有old school feel 呢..... 同朋友都忍唔住影番幾張.... 點擊圖片放大 +3 佢地既owner 亦都好有heart. 搵左好多特色野...... 啲度扮下文青絕對係一流..... 本身佢地係有一間單車店,但因為已經無再經營, 宜家只有少量既單車出租....... 25蚊一個鐘 150蚊一日 啲度真係有太多old school 既物件,筆者真係好鐘意..... 啲度亦有少量蓋章同sticker 比大家收集下.... 但希望大家自律,唔好浪費...... 特別介紹下先,啲度賣既咖啡豆全部係自家製........ 佢地有提供flat white,cappuccino同latte , 全部一律28 蚊一杯 另外亦有咖啡豆賣.....詳情可以問店員Fion 佢亦都好樂意解答......佢地仲會提供all day breakfast, 但因為筆者同朋友食左野, 下次有機會一定會試下....... 今次筆者試左flat white ,味道真的好不錯....... 提提大家,咖啡店既營業時間係:一至日 10:00 am-7:00 pm 今次筆者好好彩.....Fion 仲帶左我搭lift上一樓..... 去參觀另外一處小天地....... 啲度平時係唔對外開放,因為hostel 係裡面....... 其實如果係一至五既下午,等啲旅客出左去, 都可以試下問下工作人員可唔可以上去... 但再講一次,希望大家影相還影相,一定要自律...... 比黎到香港既朋友仔一個好印象...... 打開門之後,有一間房間,裡面有12個床位..... 筆者問過大約250蚊一晚... 因為有人住緊,所以筆者都唔方面參觀, 有興趣都可以去佢地個專頁睇下..... 走廊盡頭是浴室和洗手間，地方不大但乾淨整潔..... 啲度既owner 亦好貼心,安排左一個小空間比佢地hea 一下...... 地方唔大,但真係好寫意.... 訓係上面,一個字形客...就係嘆..... 同朋友一路傾住計,一路食蘋果,真係好relax..... 希望係啲個人多車多既香港,您地都會搵到自己既一套生活方式. 好好咁慢活生活.....
